Күн тәртібіндегі мәселе бойынша Энергетика және тұрғын-үй коммуналдық шаруашылық басқармасының басшысы А.Кенжебеков баяндады.

Атырау облысының жылу беру маусымына дайындық жұмыстарын зерделеу қорытындылары туралы облыстық қоғамдық кеңестің Инфрақұрылымды дамыту және коммуналдық мәселелер жөніндегі  комиссиясы төрайымы Б.Досмұхамбетова баяндама жасады.

Күн тәртібіндегі мәселені талқылаған қоғамдық кеңес мүшелері тарапынан бірқатар ұсыныстар айтылды. Атап айтқанда,  «Атырау ЖЭО» АҚ-ның негізгі және қосалқы қондырғыларын салқындату мақсатында сумен жабдықтау үшін Градирня құрылысы мәселесін шешу, «Атырау ЖЭО» АҚ №7, №10 турбиналарына күрделі жөндеудің уақытылы аяқталуын қамтамасыз ету, оң жағалаудағы жылу жүктемелерінің өсуін қамтамасыз ету үшін орталық көпірдің іргетастарындағы магистралдық жылу өткізу қабілетін ұлғайту, жылу, сумен жабдықтау, кәріз, электр желілеріне жөндеу жұмыстарын а.ж. 1 қазанына дейінгі мерзімде аяқтау.

Мәселені қарау нәтижесі бойынша қарар қабылданады. Қарарда талқылау барысында айтылған пікірлер, қоғамдық кеңестің Инфрақұрылымды дамыту және коммуналдық мәселелер жөніндегі комиссиясының баяндамасы негізге алынатын болады. Облыстық қоғамдық кеңес төрағасы М.Ізбасов тиісті мекеме басшылары тек әлеуметтік нысандар мен көпқабатты үйлердегі жылу қазандары мен жүйелерін ғана дайындау емес жеке секторларда газбен, электр желілерінің дайындығын, жеке тұрғын үйлерде газбен улану, электр желілеріндегі ақаудан өртену жағдайларының алдын алу назардан тыс қалмауы керектігін атап өтті.

Осы және басқа да ұсыныс-пікірлер негізінде кеңес қарары дайындалын ұсыныстар енгізілетін болады.

Атырау облыстық Қоғамдық кеңесі