Новости Казкенес

2023 жылдың 28 қыркүйек күні Қызылорда қалалық Қоғамдық кеңесінің кезектен тыс отырысы өтті.

Отырыстың күн тәртібінде «Қызылорда қаласы бойынша халық үшін қатты қалдықтарды жинауға, тасымалдауға, сұрыптауға және көмуге арналған тарифтерді бекіту» мәселесі туралы Ж.Файзуллаевтың, «Бейбіт жиналыстарды ұйымдастыру және өткізу үшін арнайы орындарды, олардың пайдалану тәртібі мен шекті толу нормаларын, материалдық-техникалық және ұйымдастырушылық қамтамасыз етуге қойылатын талаптарды, сондай-ақ пикеттеуді өткізуге тыйым салынған іргелес аумақтардың шекараларын айқындау туралы Қызылорда қалалық мәслихатының 2020 жылғы 24 маусымдағы №347-62/5 шешіміне өзгерістер енгізу» туралы А.Мукеевтың хабарламалары тыңдалды.

Халық үшін тұрмыстық қатты қалдықтарды жинауға, тасымалдауға, сұрыптауға және көмуге тарифті есептеуді жүргізу бойынша жұмыстарды реттейтін негізгі нормативтік – құқықтық құжаттар болып:

1) Қазақстан Республикасының 2021 жылғы 2 қаңтардағы Экологиялық Кодексінің 365 бабы 4 тармағының 7 тармақшасы.

2) Халық үшін тұрмыстық қатты қалдықтарды жинауға, тасымалдауға, сұрыптауға және көмуге тарифті есептеу әдістемесі Қазақстан Республикасының Экология, геология және табиғи ресурстар министрінің 2021 жылғы 14 қыркүйектегі № 377 бұйрығымен бекітілген.

Жобаны қабылдау қажеттілігінің негіздемесі - жаңа экологиялық кодекстің қабылдануына орай, бұрын қабылданған мәслихат шешімі күшін жоюына байланысты болып отыр.

Осыған орай, кеңес мүшелері күн тәртібіндегі мәселелерді талқылап ұсыныстарын берді.

Жиынға кеңес төрағасы С.Дүйсенбаев төрағалық етті.