Көкшетау қаласы Қоғамдық кеңесінің кезекті отырысы

---

Ағымдағы жылдың 6 қыркүйегінде Көкшетау қаласының Қоғамдық кеңесінің төрағасы Серік Қабдөшұлы Кәкеновтың төрағалығымен қалалық Қоғамдық кеңестің отырысы өткізіліп, онда қаланы электрмен жабдықтау мәселелері тыңдалды.
Отырыс барысында "Қазақстан Республикасы Энергетика Министрлігі атом және энергетикалық қадағалау және бақылау комитетінің Ақмола облысы бойынша аумақтық департаментінің", "Көкшетау қаласының тұрғын үй қатынастары және тұрғын үй инспекциясы бөлімі" ММ, "Көкшетау Энерго Орталығы" ЖШС-нің бірінші басшылары баяндама жасады. Қоғамдық кеңес мүшелері мен шақырылғандар талқылау барысында осы саладағы проблемалық мәселелерді көтерді.
Отырысқа Көкшетау қаласы әкімінің орынбасары, прокуратура өкілі, Ақмола облысының табиғи монополияларды реттеу департаментінің өкілі, басқару органдары мен БАҚ қатысты. Отырыстың күн тәртібін Қоғамдық кеңес мүшелерімен талқылап, ұсыныстар енгізіліп, тиісті ұсынымдар жолданды.