Новости Казкенес
Новости KazKENESТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ:
Төлеби аудандық Қоғамдық кеңесінің кезекті отырысын кеңес төрағасы Б.Оралбеков ашып, жүргізіп отырды. Жиынға аудан әкімінің орынбасары С.Дүйсебаев және тиісті бөлім, мекеме басшылары қатысты. Күн тәртібінде 5 мәселе қаралды.
1. Төлеби ауданы бойынша шетелдіктер үшін 2024 жылға арналған туристік жарна мөлшерлемелерін бекіту туралы, Төлеби ауданының кәсіпкерлік және ауыл шаруашылығы бөлім басшысының орынбасары О.Жанкалов хабарлама жасады және шешім жобасына оң қорытынды келісім беруді сұрады. Кеңес мүшелері бірауыздан оң қорытынды келісімдерін берді.
2. Төлеби ауданындағы білім беру ұйымдарында сыбайлас жемқорлықты алдын алу мақсатында атқарылып жатқан жұмыстары туралы, қоғамдық кеңестің комиссия төрағасы О.Кадиров қосымша Төлеби аудандық білім бөлімі басшысының м. а. Б.Тойлыбаев баяндама жасады. Кеңес мүшелері баяндамашыларға сұрақтарын қойып жауаптарын тыңдады. Жалпы білім беру мекемелеріндегі сыбайлас жемқорлықты алдын алу мақсатында мектеп әкімшіліктерімен түсіндірме жұмыстарын әрдайым жүргізу қажеттілігі айтылды.
3. Төлеби ауданы әкімдігі жанындағы ҚР мемлекеттік наградаларына ұсыну жөніндегі комиссияның атқарып жатқан жұмыстары туралы, қоғамдық кеңестің комиссия төрағасы Е.Майлыбаев қосымша Төлеби ауданы әкімінің аппарат басшысы Ж.Жолдасбеков баяндама жасады. Кеңес мүшелері тыңдап талқылап ауданның Құрметті азаматына құжаттар ұсынар алдын реттілігімен алдымен ауданның марапаттау көтермелеу шараларының болуын ескеру қажеттілігін ұсынды. Сонымен қатар ауданның тұрғындарына марапаттау көтермелеу шаралары берілерде белгілі бір мерзім уақыт аралығы сақталу керектігі айтылды.
4. Төлеби ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту туралы, Төлеби ауданының тұрғын үй-коммуналдық шаруашылық жолаушылар көлігі және автомобиль жолдары бөлімінің басшысы С.Қалдыбаев хабарлама жасады және оң қорытынды келісім беруді сұрады. Кеңес мүшелері тыңдап бірауыздан оң қорытынды келісімдерін берді.
5. Төлеби ауданы Алатау ауылдық округінің Алатау, Біркөлік, Екпінді, Жаңа-тұрмыс, Қайнар, Қорған, Қосағаш, Нысанбек, Шатыртөбе, Шұбарағаш елді мекендерінің шекараларын өзгерту және белгілеу туралы, Төлеби аудандық жер қатынастары бөлімінің басшысы А.Сарбеков хабарлама жасады. Кеңес мүшелері аталған мәселені тыңдап талқылай келе қосымша тұрғындардың пікірлерін ескеріп, қайта зерделеп барып келесі кеңестің отырысында қарауға қалдыруды шешті.