Күн тәртібіндегі мәселе бойынша  Ішкі саясат басқармасының басшысы Г.Сүйеуова баяндады. Қазіргі таңда облыста 2023 жылдың 2 тоқсанына 793 үкіметтік емес ұйым, 18 этно-мәдени бірлестіктер, 50 бұқаралық ақпарат құралдары, 7 партияның облыстық филиалдары қызмет атқаруда. Олар әр салада жұмыстар атқарып, өңірдің қоғамдық-саяси өміріне белсенді қатысуда.        793 ҮЕҰ-ның 654-і Атырау қаласында, ал 139-ы аудандарда тіркелген. (Жылыой-49, Исатай-18, Қызылқоға-19, Мақат-13, Махамбет-19, Индер-13, Құрманғазы-8) Оның 205-гежуығы азаматтардың денсаулығын қорғау, салауатты өмір салтын насихаттау, қоғамдық келісімді нығайту, білім және ғылым, ақпарат, спорт және дене шынықтыру, жастар саясаты мен балалар бастамаларын қолдау, қоршаған ортаны қорғау, гендерлік саясат, басқа да әлеуметтік маңызды бағыттар бойынша белсенді жұмыс жасап келеді.

Азаматтық қоғам институттарымен өзара іс-қимылын дамыту мәселесін  зерделеу қорытындылары туралы облыстық қоғамдық кеңестің Әлеуметтік және мәдени даму мәселелері жөніндегі мәселелер жөніндегі  комиссиясы төрайымы Н.Камалова баяндама жасады. Күн тәртібіндегі мәселені талқылаған қоғамдық кеңес мүшелері ұсыныс-пікірлерін ортаға салды. «Мемлекеттік тапсырысты алған Үкіметтік емес ұйымдар қоғам алдында есеп беруге міндеттелмесе де, мемлекет қаражатының ашықтығы үшін және Атырау облысында Үкіметтік емес ұйымдар үшін миллиардтаған қаражат бөлініп жатырғандықтан азаматтық орталықта немесе кез-келген басқа жерде жоба бойынша есеп бергендері жөн. Себебі халықпен етене жақын жұмыс жасамаса әлеуметтік мәселенің шешілмейтіні анық. Жобалар аяқталғаннан кейін қандай мақсатты көздеді және қандай нәтижеге қол жеткізді деген қорытындыны қоғам білуі тиіс.

Мемлекеттік әлеуметтік тапсырыс барысында міндетті түрде әлеуметтік желілерде хабарлама беріп, қоғамды ақпараттандырған дұрыс».

Сонымен қатар, қоғамдық кеңес мүшелері желтоқсан айында Азаматтық орталық алаңында жоба алған ҮЕҰ-дар барлық ниет білдіргендер үшін, бұқаралық ақпарат өкілдерін шақыра отырып есеп берулерін ұсынды.

Отырыста облыс әкімінің аппарат басшысы  Н.Жеңісбекұлы сөйлеп, пікірін айтты.

Мәселені қарау нәтижесі бойынша қарар қабылданады. Қарарда талқылау барысында айтылған пікірлер, ұсыныстар негізге алынатын болады.

Атырау облыстық Қоғамдық кеңесі