Жамбыл облыстық қоғамдық кеңестің ауылшаруашылығы, су ресурстарын пайдалану, азық- түлік қауіпсіздігін қамтамасыз ету бойынша комиссия отырысы өтті.

---

Бүгінде елімізде қымбатшылық пен су тапшылығы үлкен проблемаға айналды.

Қазір қайда барсаң да баға мәселесі алдыңнан шығады. Айлықты ай сайын көтерсең де бағаны тұрақтандыра алмасаң оның еш пайдасы жоқ.

Ал, бізде аты бар да заты жоқ, тұрақтандыру қорының жұмысы мардымсыз. Сол үшін мемлекет бұл бағытта кешенді шаралар атқаруы керек деді қоғамдық кеңес мүшелері.

Мәселен: бұрын Мәскеудің Кремлі маңындағы дүкенде бір коржик 10 тиын тұрса, Мәскеуден мыңдаған шақырым алыстағы Жамбылда да сол коржик 10 тиын тұратын. Демек, бағаны реттеуге болады. Бірақ, оған мемлекет деңгейінде, облыс көлемінде жүйелі жұмыс жүргізу керек! Қажет болса заңға өзгерістер де енгізу қажет. Себебі, бағынбай бара жатқан бағаны ауыздықтамаса елдің ертеңі де қалай болары белгісіз деді комиссия төрағасы Кемелхан Әбілеков.

Отырыста көтерілген екінші мәселе өңірдегі су тапшылығы. Бұл бойынша Қоғамдық кеңес мүшесі Берік Көбейұлы өз білгенімен бөлісті. Мәселен; қазір Жамбылда 235 өзен 113 қойма бар. Алайда, оларды тиімді пайдалана алмай келеміз. Қыстай су сай саламен ағып кетеді де, нақты керек кезде оны таппай қаламыз. Бұрын тауға барып әр ауыл адамдары бұлақтың көзін ашып келетін. Қазір бұлақ емес, ауылдағы арықтарын тазаламайды.

Сонымен қатар, су шаруашылығы мекемелері шаруалармен тығыз жұмыс істеу керек. Биылғы су болжамы осындай болады. Егістікті де соған қарап шамалап егу де тиіс. Бізде билік пен шаруалар арасында байланыс жоқтығынан қаншама шаруа қазір шығынға батып отыр.

Көрші Қырғызстанға сеніп отыра беруге болмайды. Су тапшылылығын болдырмау үшін өзіміз әрекет етуіміз керек. Ол үшін облыс әкімі мен жауапты басқармаларға тиісті ұсыныс береміз деп тарқасты кеңес мүшелері.