ҚОҒАМДЫҚ МОНИТОРИНГ

---

9 қараша күні Жамбыл ауданы Шайқорық ауылында орналасқан ”Алтын бұлақ”шаруа қожалығына облыстық Қоғамдық кеңестің мониторингтік тобының мүшелері Ә.Зәуірбеков, Ж.Орынбаева зерделеу жұмыстарын жүргізді.

Тоған балық өсіру шаруашылығын (бұлан және тұқы) дамытуға субсидия түрі - шабақ, жем-шөп сатып алғаны үшін 2022-2023 жылдары 53 млн 861 мың теңге берілген.

ШҚ басшысы А.Қуанышбаевтың айтуынша 14га аумақты алатын шаруашылық 15 жылға жуық өздері қазған 6 жасанды көлдерде көктем айынан бастап балық өсірумен айналысып келеді.

Дания, Италия, Польша мемлекеттерінен балық икрасының 100 мыңға жуық әр партиясын 3 млн теңгеге сатып алып, жеткізеді. Арнайы жабдықталған 6 бассейнде 80 мыңдай янтарь форелі өндіріледі.

Дайын өнімді сатып алушылар өңірімізде жеткілікті екен, енді Ресей мемлекетінің Тамбов қаласына тапсырыспен жеткізілуде.

Қалған көлдерде икрадан өндірілген сазанға тапсырыс көп болуына байланысты балықтың бұл түрі жиі сатылады.

7 адам жұмыспен қамтылып, оларға 220 мың теңгеден айлық төленеді.

Қаракемер ауылына жақын аумақта орналасқан “Атамекен” ШҚ тоған балық шаруашылығын ұйымдастырып, 2023 жылы шабақ сатып алуға 2,5 млн теңге субсидия алған.

ШҚ басшысы С. Бейсебаев жаңа құрылған балық шаруашылығы жұмысының қиындықтарын, көбінесе малек түрінде сатудың орнына тауарлы балық түрінде сатылымға шығаруды қолға алу, басты проблема форель азығының қымбат екенін, балық азығы Польшадан қымбат бағамен алынатынын жеткізді.

Акваөсіру шаруашылығын дамыту мақсатында мемлекеттік қолдау көрсетілген кәсіпкерлерге субсидияның мақсатты жұмсалуы, балық өнімдерінің сапасын арттыру негізгі міндеттері болып табылатыны ескертілді.