Новости Казкенес
Новости KazKENESҚоғамдық кеңес мүшелерінің "Жас Ай" халықаралық медицина орталығының директорымен кездесуі.
Атырау облыстық қоғамдық кеңесінде.
Атырау облыстық қоғамдық кеңес мүшелері «Жас-Ай» халықаралық медицина орталығының бас дәрігері, медицина ғылымдарының докторы, профессор, халықаралық ғылыми, заманауи және дәстүрлі медицина академигі Жасан Зекейұлымен кездесті. Жасан Зекейұлы ұзақ жолды көтере алмайтын, түрлі қиын жағдайдағы науқастардың өтінішімен қабылдау-емдеу өткізу үшін Атырау облысына іс-сапармен келген болатын.
Кездесу "Ұлт денсаулығы - мемлекеттің болашағы" тақырыбы аясында өтті. Ғалым ешқандай қоспасыз, табиғаттан алынған дәрі-дәрмектер арқылы емдеу жолдарымен, қазіргі медицина саласындағы жаңалықтармен бөлісті. Кеңес төрағасы М.Ізбасов, қоғамдық кеңес мүшелері, денсаулық сақтау басқармасының мамандары, бас дәрігерлер пікірлерін айтқан кездесу өте тартымды өтті.
Денсаулыққа қатысты мұндай маңызды кездесулер тек медицина қызметкерлері үшін ғана емес, қоғам белсенділері үшін де пайдасы зор. Тіпті қазіргі қоғамдағы дәрігерлер ғалым ұсынған технологияны әбден меңгеріп, бұқара халықтың қажеттілігіне жұмсаса зор нәтиже берері сөзсіз.