Семинар

---

Алакөл ауданында Жетісу облыстық Қоғамдық кеңесінің төрағасы Қошанбеков Ерғазы Қошанбекұлының төрағалығымен "Тамшыбұлақ" қоғамдық бірлестігінің басшысы Жанат Ерханқызы Төлемісова 2023 жылдың 07 желтоқсан күні семинар өткізді .Семинарға ауылдық округтың Қоғамдық келісім кеңесінің төрағалары мен Қоғамдық кеңес мүшелері қатысты.
Ауданның Қоғамдық кеңес төрайымы Куныржай Жағыпарқызы семинардың бағдарламасы мен басты мақсатын таныстырып өтті.
1. Жетісу облысының Қоғамдық даму басқармасының мемлекеттік әлеуметтік тапсырысты іске асыру шеңберінде «Қоғамдық кеңес мүшелері мен мүдделі тұлғалар үшін қоғамдық мониторинг және бақылау жүргізу, бюджетті талдау бойынша дағдыларды қалыптастыру»
Мақсат:Шешімдер қабылдау процесіне азаматтық қоғамды тарту, Қоғамдық кеңес мүшелерінің құзыреттерін арттыру
Семинар барысында облыстың қоғамдық кеңесінің төрағасы Қошанбеков Ерғазы Қошанбекұлы кіріспе сөз алып, Алакөл аудандық Қоғамдық кенес мүшелеріне куәлік тапсырып,облыстық кеңес қызметінің негізгі бағыттары, қаралған негізгі мәселелер туралы айтып, азаматтардың қоғамдық кеңестердің қызметі туралы хабардар болу деңгейін арттыру үшін оның мүмкіндіктерін пайдалану керектігін айтты. "Қоғамдық бақылау туралы" жаңа қабылданған Қазақстан Республикасының Заңы туралы, осы Заңның негізгі терминдері мен ұғымдарымен таныстырды. Жанат Ерханқызы Төлемісова, жоба жетекшісі, қатысушыларды www.kazkenes.kz интернет-порталмен таныстырып, қоғамдық мониторинг пен бақылауды нақты жүргізу, бюджетті талдау туралы айтып берді.
Семинар соңында сұрақ-жауап ретінде пікір алмасып, тәжірбиемен бөлісіп, диалог алаңы өткізілді.