Қосшы қаласы Қоғамдық кеңесінің отырысы өтті

---

Кеңес төрайымы Матайбаева Сайра Әйтенқызы ашқан отырысқа қала әкімінің орынбасарлары, мемлекеттік мекеме басшылары қатысты. Күн тәртібі бойынша 4 мәселе қаралды. Олардың қатарында:

1. «Тұтынушыларды электрмен жабдықтау қызметтерін сапалы ұсынуды қамтамасыз ету туралы» бөлім басшысының есебін тыңдау;

2. Қосшы қалалық мәслихатының «Тайтөбе ауылына жұмыс істеуге және тұруға келген денсаулық, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдық округ әкімі аппаратының мемлекеттік қызметшілеріне көтерме жәрдемақы және тұрғын үй сатып алуға немесе салу үшін бюджеттік кредит түрінде әлеуметтік қолдау шараларын 2024 жылы ұсыну туралы» шешімінің жобасын қарау туралы;

3. Қосшы қалалық мәслихатының «Қосшы қаласында бөлшек салықтың арнаулы салық режимін қолдану кезінде салық мөлшерлемесінің мөлшерін төмендету туралы» шешімінің жобасын қарау туралы;

4. Қосшы қалалық мәслихатының «Қосшы қаласында тұрғын үй көмегін көрсету мөлшері мен тәртібін айқындау туралы» шешімінің жобасын қарау туралы.

Алғашқы мәселе бойынша Қосшы қалалық ТКШ және ТҮИ бөлімінің бас маманы С.Шорманов ақпарат беріп, қаламыз үшін аса маңызды салада атқарылып жатқан жұмыстар туралы баяндама жасады. Екінші мәселе бойынша қала әкімінің орынбасары А.Б. Ибраева ауылға жұмысқа келетін мемлекеттік қызметшілерге көтерме жәрдемақы және тұрғын үй сатып алуға немесе салу үшін бюджеттік кредит түрінде әлеуметтік қолдау шаралары туралы хабардар етті.

Сондай-ақ отырыста салық мөлшерлемесі, тұрғын үй көмегін көрсету тәртібі туралы мәселелер бойынша тиісті бөлім басшылары баяндама жасады.

Жиын соңында Қосшы қаласы Қоғамдық кеңесінің хаттамалық шешімі қабылданды.