Облыстық Қоғамдық кеңестің отырысы

---

Атырау облыстық қоғамдық кеңесінің 27 ақпан күнгі өткен  отырысында жылдық жоспарға  сәйкес, «Жұмыспен қамтуды қолдаудың мемлекеттік шараларының орындалуы  және Қоғамдық кеңестің 2023 жылғы 14 ақпандағы №1 қарарының орындалысы туралы»,  сонымен қатар осы мәселеге байланысты «Кәсіпкерлікті дамыту және қолдау жұмыссыздықты азайтудың бірден-бір жолы, осы бағытта істеліп жатқан жұмыстар туралы» мәселелер қаралды.

Күн тәртібіндегі мәселелер бойынша, Жұмыспен қамтуды үйлестіру және әлеуметтік бағдарламалар басқармасының басшысы А. Мамбетов, Кәсіпкерлік және өнеркәсіп басқармасының басшысы П.Хасанов баяндама жасады.

Қоғамдық кеңес мүшелері мәселені алдын-ала зерделеп, жұмысты ұйымдастырудағы ұсыныстарын әзірлеген болатын, ол бойынша, Қоғамдық кеңестің Әлеуметтік және мәдени даму мәселелері жөніндегі комиссия төрайымы Н.Камалова баяндады.

Қоғамдық кеңес мүшелері отандық өнімдерді өндіру, халықты жергілікті азық-түлікпен қамту, сол арқылы жұмыссыздықты азайту бағытындағы пікірлерімен бөлісті. Сонымен бірге, көші-қон мәселесі, өңірдегі шетелдіктердің есепке алынуы және проблемалық мәселер туралы облыстық полиция департаментінің бірінші орынбасары Ә.Сейдуалиев анықтама берді.