ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ

---

ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

 

         Төлеби аудандық Қоғамдық кеңесінің кезекті отырысын кеңес төрағасы Б.Оралбеков ашып, жүргізіп отырды. Күн тәртібінде 3 мәселе қаралды.

1.  Төлеби аудандық мәслихат аппаратының басшысы Б.Кемелов, «Төлеби ауданында бөлек жергілікті қоғамдастық жиындарын өткізу және жергілікті қоғамдастық жиынына қатысу үшін ауыл, көше, көппәтерлі тұрғын үй тұрғындары өкілдерінің санын айқындау тәртібін бекіту туралы» шешімнің күшін жою туралы хабарлама жасап, сараптамалық оң қорытынды беруді сұрады. Кеңес мүшелері бірауыздан қабылдады.     

2.   Төлеби аудандық экономика және қаржы бөлімінің басшысы М.Ашрапов, «Төлеби ауданында бөлшек салықтың арнаулы салық режимін қолдану кезінде салық мөлшерлемесінін мөлшерін төмендету туралы» шешім жобасын толыққанды таныстырып, талқылауға ұсынды. Кеңес мүшелері оң қорытынды келісімдерін берді.

3.    Қоғамдық кеңестің комиссия төрағасы Е.Майлыбаев,  «Төлеби автобус паркі» ЖШС-не бөлінген субсидияның игерілуі және халыққа көрсетіп жатқан қызметтерінің сапасын арттыруда атқарып жатқан жұмыстардың барысын зерделеп, қоғамдық мониторинг жүргізгені бойынша баяндама жасады. Кеңес мүшелері «Төлеби автобус паркі» ЖШС-нің директоры Ғ.Жылқыбаевқа сұрақтарын қойып, жауаптарын тыңдады. Сонымен қатар халықты уақытылы тасымалдау, барлық қауіпсіздік шаралары мен автобустардың интервал қашықтықтары қатаң сақталу қажеттілігі айтылды. Кеңес төрағасы Б.Оралбеков отырысты қорытындылай келе аудандағы басқа да елді мекендерге атвобус жүргізудің тиімділігін сынақ ретінде қарастыруды ұсынды және халықты сапалы тасымалдау әрдайым бақылауда болатындығын атап өтті.