Қосшы қаласы Қоғамдық кеңесінің отырысы өтті

---

14.03.2024 ж.

Қосшы қаласы Қоғамдық кеңесінің кезекті отырысы өтті. Кеңес төрағасы С. Матайбаева ашқан жиынға кеңес мүшелерінен басқа Қосшы қаласы әкімі аппаратының басшысы Ф. Байқасов, Жер қатынастары, сәулет және қала құрылысы бөлімінің басшысы А. Таймасов, Кәсіпкерлік және ауыл шаруашылығы бөлімінің басшысы Е. Кабикенов, Әкім аппаратының бас инспекторы Т. Бисенбаева, Жолаушылар көлігі және автомобиль жолдары бөлімі басшысының м.а. Қ. Иманов қатысып, баяндама жасады.

Күн тәртібі бойынша 6 мәселе қаралды. Олардың қатарында –

1.Қызмет этикасы нормаларын сақтауды қоса алғанда, қала әкімдігінің мемлекеттік қызметшілерінің тарапынан сыбайлас жемқорлыққа қарсы заңнама талаптарының сақталуы туралы;

2. Қосшы қаласының бас жоспарының өзгеруіне қатысты қала аумағындағы құрылыстардың бас жоспарға сәйкес жүруін талқылау туралы;

3. Сапалы мемлекеттік қызмет көрсету бойынша бас инспектордың есебін тыңдау;

4. Қала аумағын және кәсіпкерлікті дамыту бағдарламалары шеңберінде инвестициялық ахуалды іске асырудың орындалу барысы туралы;

5. «Қосшы қаласында шетелдіктер үшін 2024 жылға арналған туристік жарнаның мөлшерлемелерін бекіту туралы» Қосшы қаласының мәслихаты шешімінің жобасын қарау туралы;

6. Қосшы қаласын қардан тазартудың барысы туралы мәселелер бар.

Отырыс барысында кеңес мүшелері баяндамашыларға көкейлеріндегі сауалдарын қойып, оған жауап берілді. Жиын соңында Қоғамдық кеңестің Хаттамалық шешімі қабылданды.