Облыстық Қоғамдық кеңестің отырысы

---

Атырау облыстық қоғамдық кеңесінде.

Атырау облыстық қоғамдық кеңесі 27 наурыз күнгі отырысында жылдық жоспарға сай,  «2023 жылға арналған облыстық бюджеттің атқарылуы туралы» мәселе қарады. Күн тәртібіндегі мәселе бойынша баяндаманы Қаржы және экономика басқармасының басшысы А.Әжіғалиева жасады. Облыстың бюджеті 97,3 пайызға орындалған. Қоғамдық кеңес мүшелері бюджеттің не себепті толық атқарылмағандығына байланысты сұрақтарын қойды. Жосықсыз мердігерлердің алған міндеттемелерін уақытылы орындалмауы, абаттандыруға байланысты кейінге шегерілген қаржы, үнемдеуге байланысты және т.б. себептері айтылды. Сондай-ақ отырысқа  бөлінген бюджет қаржысын уақтылы игермеген 14 басқарма басшысы шақырылып, сұрақ-жауап алынды. Бюджеттің сапалы, мерзімді жүзеге асуы бюджеттік бағдарлама әкімгерлерінің жеке жауапкершілігіне,  қаржылық және атқарушылық қызметінің деңгейіне байланысты. Себебі, мемлекет қаражаты халық игілігі үшін жұмсалуы тиіс. Атқырылмаған бюджет қаржысының артында халықтың әлеуметтік мәселелері жатыр. Қоғамдық кеңес мүшелері бөлінген бюджет қаржысын толық игермеген әкімгерлерге қандай шара алынғанын, және алдағы уақытта бақылауды күшейту туралы пікірлерін айтты.

Отырыста «Мемлекеттік органдармен көрсетілген мемлекеттік қызметтер сапасы туралы» ҚР Мемлекеттік қызмет істері агенттігінің Атырау облысы бойынша департаментінің басшысы Е.Ермаханбетов баяндама жасап, 2023 жылы облыс бойынша көрсетілген мемлекеттік қызметтегі  олқылықтар мен алынған шаралар жөнінде хабардар етті.