Қоғамдық кеңестің төрағасы М.Ізбасовтың Жылыой ауданында жарияланған штабтың отырысына қатысып, жұмысымен танысуы.

---

ЖЫЛЫОЙ АУДАНДЫҚ ҚОҒАМДЫҚ ШТАБТЫҢ ЖҰМЫСТАРЫ ТУРАЛЫ АҚПАРАТ

Құлсары қаласында Президенттің бастамасымен 2024 жылдың 14 сәуірінде тасқын судан зардап шеккен тұрғындармен тұрақты жұмыс жасайтын Қоғамдық 
штаб құрылып, жұмысын бастады. 

Қоғамдық штабтың негізгі міндеті - жүргізіліп жатқан жұмыстардың бірыңғай үйлестірілуін қамтамасыз ету. 

Штаб мүшелері Құлсары қаласындағы №9 орта білім беретін мектеп ғимаратының акт залында зардап шеккен тұрғындарға кеңес беру, мемлекет тарапынан берілетін көмек пен гуманитарлық комектерді алудың жолдарын түсіндіру жұмыстары жүргізілуде. 

Штаб жұмысы басталғаннан яғни 14 сәуірден бүгінгі күнге дейін 2969 тұрғынға кеңес беріліп, арыз шағымдары сараланып, жалпы 47 ұсыныс төтенше жағдайларды жою үшін құрылған аудандық штабқа ұсыныстар жолданып, олардың орындалуын бақылауда. 

Сонымен қатар, жан жақтан келген гуманитарлық көмектерді (азық-түлік, дәрі-дәрмек, киім-кешек, су сорғысы және т/б) зардап шеккен тұрғындарға үлестіру мақсатында, Құлсары қаласынан еріктілер көмегімен 6 пункт ашылып, мекен жайына қарай көмек беру жұмыстары ұйымдастырылды. 

Қоғамдық штабтың жұмысының тиімділігі төтенше жағдайларды жою үшін құрылған аудандық штабтың жұмысын жеңілдетуде. 

Қоғамдық штаб мүшелерінен басқа халыққа қызмет көрсету орталығы, адвокат, нотариус, сот орындаушылар және банк қызметкерлері тұрғындарға кеңес беру жұмыстарын ұйымдастырды.

24 сәуір күнгі мәлімет бойынша, тасқыннан зардап шеккен азаматтардан 2315 өтініш қабылданып, қазіргі уақытта объектілерді техникалық тексеру бойынша жұмыстар жүргізілуде.

Сонымен бірге, 22 сәуірден бастап нысандары су тасқынынан зардап шеккен кәсіпкерлерге зиянды өтеу жөніндегі консультациялық орталық жұмыс істей бастады. Консультациялық орталық №15 мектепте орналасқан. Бүгінгі таңда барлығы 82 кәсіпкерге түсінік жұмыстары жүргізіліп, бағыт-бағдар берілді.