Құттықтау

---

Қымбатты достар, жерлестер!

Баршаңызды Қазақстан халқының бірлігі күнімен шын жүректен құттықтаймын!

Президентіміз Қ.К. Тоқаев өткен аптада ғана Қазақстан халқы Ассамблеясының XXXIII сессиясында "Тарих тоғыстырған тағдырымыз – бір, сеніммен қадам басатын келешегіміз – бір. Біз - біртұтас ұлт ретінде әрдайым бабалар аманатына адал боламыз. Қасиетті қара шаңырағымыз – Қазақстанның жарқын болашағын бірге жасаймыз" - деген болатын.

Жаһан жұртшылығын алаңдатқан саяси оқиғалар, табиғи апаттар мен әлемнің әр түкпіріндегі келіспеушіліктер болып жатқан осынау тұста қазақ еліне тек қана бірлік пен ынтымақ қажет. Сонда ғана тыныштық пен тұрақтылықты қамтамасыз ету арқылы болашағымызды жарқын ете түсеміз.

Елорданың іргесінде гүлденіп келе жатқан жас қаламызды жасампаздық жолымен одан әрі дамытып, экономикамызды қуатты етуге қол жеткізе аламыз. Қосшы тұрғындары да астаналықтар сияқты заманауи игіліктерге ие болуы тиіс. Ол үшін ең бастысы мақсатымыз – айқын, бағытымыз – анық.

Шуақты көктемнің таңғажайып мерекелерінің бірі - Бірлік күні құтты болсын! Баршаңызға бақ-береке, шаңырақтарыңызға шаттық, жанұяларыңызға амандық тілеймін!

Қосшы қаласы Қоғамдық кеңесінің төрағасы Матайбаева Сайра Әйтенқызы