КӨШПЕЛІ ОТЫРЫС ӨТТІ

Шымкент қалалық қоғамдық кеңесі жанынан құрылған Ауыл шаруашылықты, кәсіпкерлік, құрылыс және коммуналдық салаларының дамуы жөніндегі тұрақты комиссиясының көшпелі отырысы «Жұлдыз» Индустриялық аймағында өтті. 

Жиынға Шымкент қаласы қоғамдық кеңесінің мүшелері, кәсіпкерлік және индустриалды-инновациялық даму басқармасының, энергетика және инфрақұрылымды дамыту басқармасының, Табиғи монополияларды реттеу комитетінің
Шымкент қаласы бойынша департаментінің, Шымкент қаласы «Оңтүстік Жарық Транзит» ЖШС-нің, «ӘКК«Shymkent» AҚ  басқармасының, «Энергопоток» ЖШС-ның өкілдері және кәсіпкерлер қатысты. 
 
Жиында талқыланған басты мәселе кеңес мүшесі Н.Қобланованың атына жазылған Жұлдыз, Бозарық, Тассай, ТЛЦ Индустриялық аймақтағы кәсіпкерлердің арызы.
Кәсіпкерлердің наразылығы 1-ші сәуірден бастап электр энергиясы 47 теңгені құрап, бағаның жоғарылағаны жайында. Индрустриялық аймақтағы кәсіпкерлердің айтуынша осыған дейін энергияға 400 мың теңге төлесе, қазіргі таңда 1,5 млн теңге төлеп отыр. 

Кәсіпкерлермен ӘКК арасында,  өзара келісімшарт түзілген, барлық инфрақұрылым болатындығы жайында, осыған сүйене отыра кәсіпкерлер құрылыс жұмыстарын бастауға кіріскен. Электр энергиясының қымбаттағаны үшін көптеген заводтар  жабылуы мүмкін болып отыр. 

Жиында кәсіпкерлер өздерін мазалаған сұрақтарды мекемелерге қойып, жауаптарын алды. Тиісті мекемелер бұл мәселені оңтайлы шешетіндігі жөнінде айтты.  Сонымен қатар Шымкент қалалық қоғамдық кеңесінің мүшелері  осы мәселе төңірегінде бақылауға алып, шешілуіне атсалысатындарын жеткізді.

Фото

Previous Next