Новости Казкенес

Қоғамдық кеңесінің отырысы өтті

Қоғамдық кеңесінің отырысы өтті

Ағымдағы жылдың 21 мамыр күні Г.Турганалиевтың төрағалығымен Тасқала аудандық Қоғамдық кеңесінің отырысы өтті.

Кеңес отырысына кеңес мүшелері, аудан әкімі Т.Шакиров, аудандық мәслихат төрағасы Ж.Бисенғалиева, аудандық төтенше жағдайлар бөлімінің басшысы, азаматтық қорғау полковнигі М.Батрашев, аудандық жастар орталығының басшысы Ж.Мирамбаев, аудандық ХҚКО-ның басшысының м.а. С.Мамбетова, аудандық жұмыспен қамту және әлеуметтік бағдарламалар бөлімінің басшысы Б.Кентугаева қатысты.

Күн тәртібіндегі 1-ші мәселе бойынша, аудан әкімінің 2023 жылы ауданымызға атқарылған жұмыстарының есебі тыңдалып, алдағы жоспарлар пысықталды.

Кеңес мүшелері аудан әкімінің есебіне оң бағасын беріп, ұсыныс-пікірлерін білдірді.

2-ші мәселе бойынша аудандық мәслихат төрағасы Ж.Бисенғалиеваның «Аудандық мәслихатының VIII шақырылымдағы депутаттарының 2023 жылы атқарған жұмыстары туралы» есебі тыңдалды.

Сонымен қатар аудандық қоғамдық кеңесінің төрағасы Г.Турғаналиев 2023 жылы атқарылған жұмыстарына шолу жасап, әзірлеген баяндаманы назарларына ұсынды.

Аудандық төтенше жағдайлар бөлімінің басшысы, азаматтық қорғау полковнигі М.Батрашев «Аудандық төтенше жағдайлар бөлімінің 2023 жылы атқарылған жұмыстары туралы» есеп жобасын ұсынды. Жалпы 2024 жылғы көктемгі су тасқынының алдын алуға бағытталған тиісті атқарылған жұмыстарымен таныстырды.

4-ші мәселе бойынша аудандық жұмыспен қамту және әлеуметтік бағдарламалар бөлімінің басшысы Б.Кентугаева «Тасқала аудандық мәслихатының «Тасқала ауданының әлемутеттік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қаңидаларын бекіту туралы» 2023 жылғы 31 қазаңдағы №12-1 шешіміне өзгеріс енгізу туралы» шешім жобасын талқылап, одан әрі мәслихат сессиясының қарауына ұсынылды.

Аудандық ХҚКО-мен көрсетілетін мемлекеттік қызметтері туралы және оның сапасын арттыру бойынша және сыбайлас жемқорлыққа қарсы іс-қимыл бағытындағы есебі тыңдалды.

Сонымен қатар, аудандық жастар орталығының аудан жастарының бос уақыттарын тиімді ұйымдастыру туралы есебіне оң баға берілді.

Фото