Қосшы қалалық Қоғамдық кеңесінің отырысы өтті

Бүгін Қосшы қалалық Қоғамдық кеңесінің отырысы өтті. Кеңес төрағасының м.а. Руслан Айтжанов жүргізген жиынға Тайтөбе ауылының әкімі Парасат Досмағамбетов, Қосшы қалалық ішкі саясат мәдениет, тілдерді дамыту және спорт бөлімінің маманы Аружан Сәкім, Кәсіпкерлік және ауыл шаруашылығы бөлімінің басшысы Еділ Кабикенов, Жұмыспен қамту және әлеуметтік бағдарламалар бөлімінің басшысы Бақтыбай Шәди, Тұрғын үй коммуналдық шаруашылығы және тұрғын үй инспекциясы бөлімінің басшысы Сағындық Шорманов, әкім аппаратының мемлекеттік-құқықтық бөлімінің басшысы Рустам Жандосов қатысты.

Күн тәртібіне сай 6 мәселе қаралды.

Халық арасында бұқаралық спортты дамыту және мәдени шаралар туралы ішкі саясат бөлімінің маманы Аружан Сәкім мәлімет берсе, сыбайлас жемқорлыққа қарсы іс-қимыл бойынша қабылданған шаралардың тиімділігі туралы бөлім басшысы Рустам Жандосов ақпараттарымен бөлісті.

«Тайтөбе ауылында ауылшаруашылығын дамыту бағытында атқарылған жұмыстар туралы» кәсіпкерлік бөлімінің басшысы Еділ Кабикенов есеп берді. Кеңес мүшелері Тайтөбе ауылы бойынша жайылымдық жердің жетіспеушілігі, мал санын нақты анықтау, ветеринария және т.б. мәселе бойынша сауалдарын қойып, оған жауап берілді.

Әлеуметтік бағдарламалар бөлімінің басшысы Бақтыбай Шәди нормативтік құқықтық актілердің жобалары туралы баяндап Қоғамдық кеңес мүшелерінің Қосшы қаласы мен Тайтөбе ауылының тұрғындарын әлеуметтік қамтамасыз ету саласы бойынша қойған сан түрлі сауалдарына жауап берді.

Ал, тұрғындарды мазалап жүрген қаламыздағы және Тайтөбе ауылындағы шыбын-шіркейге, масаға қарсы дезинфекция жұмыстарын жүргізуге қатысты ТКШ және ТҮИ бөлімінің басшысы Сағындық Шорманов хабарлама жасады.

Отырыс соңында Қоғамдық кеңес мүшелері бөлім басшыларына барша олқылықтарды жою туралы ұсыныстар беріп, Кеңестің хаттамалық шешімі қабылданды.

Фото

Previous Next