Қалалық Қоғамдық кеңестің отырысында Қосшы қаласы ішкі саясат, мәдениет, тілдерді дамыту және спорт бөлімі басшысының есебі тыңдалды

Келтірілген мәлімет бойынша қаламызда спортпен шұғылданатын адам саны - 6 767.

«Artsport» мемлекеттік спорттық бағдарламасы және жекеменшік балалар мен жасөспірімдер спорт клубтарының саны 15. Клубтарда барлығы 2 206 бала спортпен айналысады. Сонымен қатар бейімделген дене шынықтыру және спортты қоса алғандағы ұйымдардын саны 14, оларда 2351 адам спортпен айналысады. Балалар, жасөспірімдер спорт мектебінде 476 бала спортпен айналысады.

Қосшылықтар көптен күткен ғимараттың бірі денешынықтыру-сауықтыру кешенінің құрылысы жүргізілуде. Жобаның жалпы құны 1 130, 287 млн теңге. Кешенде хауыз, жаттығу залы, күрес залы, спорттық ойын залы болады. Бұл жерде тәулігіне 288 адам спортпен шұғылдануына мүмкіндік туады.

2024 жылдың 4 сәуір Қосшы қаласында тұңғыш мемлекеттік спорт нысаны – «Alan» спорттық сауықтыру кешенінің техникалық ашылуы өтті. Кешен заманауи спорттық жабдықтармен және барлық қажетті материалдық-техникалық құралдармен жабдықталған. Онда ересектер мен балаларға арналған бассейндер, спорт залы, күрес және ойын залы бар. Сондай-ақ, кешеннің сыртқы аумағы толықтай абаттандырылған, сырттағы жаттығу тренажерларымен де қамтылған. Нысанның жобалық қуаты тәулігіне 300 адамды құрайды. Олимпиада тізіміне енгізілген спорттың 10 түрінен секциялар да бар.

Қазіргі уақытта кешен толықтай ашылуға дайындалып жатыр. Қажетті мамандар жұмысқа қабылданып болған соң мекеменің жұмыс кестесі, жұмыс істеу тәртібі туралы ақпарат толықтай ұсынылатын болады.

Фото

Previous Next