Новости Казкенес

https://www.facebook.com/permalink.php?story_fbid=pfbid02aQ6Zm85BiZ7wgE1NfunN6LZsw3USXjSYh7Rfq8mPveoTuSf8jdSY2cwcuweYppP8l&id=100069253429541&__cft__[0]=AZW8_xeGnrw1yZgkB19zoYx_K0HW42_JBXIt70T1R93ftU6o6ofwsMt06HO1KMQWpzT74ewfMdShnfMFsXFgrCmZYvrUAU89l

Жыл қорытындысы Қоғамдық кеңестің кезекті отырысында

Ағымдағы жылдың 10 қаңтар күні Казталов аудандық Қоғамдық кеңесінің кезекті отырысы оздырылды. Жиынға аудан әкімі А.Сарқұлов, орынбасарлары З.Мажитова, Р.Имангалиев және күн тәртібіндегі мәселелерге жауапты бөлім басшылары қатысты. Қоғамдық кеңес отырысының қарауына төмендегі мәселелер ұсынылып, талқыға салынды: 1) Ауданда 2023 жылы атқарылған жұмыстар туралы. 2) Қоғамдық кеңеске жаңа мүше қабылдау. 3) 2024 жылға арналған жұмыс жоспарын бекіту. 4) «Қаладан ауылға» бағдарламасы туралы. Күн тәртібіндегі бірінші мәселе бойынша аудан әкімі Асланбек Сарқұловтың, мәслихат төрағасы Сәрсенбай Молдашевтың, Қоғамдық кеңес төрағасы Мағауия Есмағұловтың хабарламалары тыңдалды. Күн тәртібіндегі мәселелер бойынша Қоғамдық кеңес мүшелері тарапынан күн тәртібінен түспей жүрген аудандағы жолдарды күтіп ұстау мәселесі, Бозоба-Қайыңды-Жаңатаң бағытында жолдарды, шекара бекетіне дейінгі республикалық жолды жөндеу, Казталов ауылында техникалық су жүйесін реттеу, ішкі жолдарды жөндеу, тұрғын үй кезегіндегі аудан тұрғындарының саны көп болуына байланысты тұрғын үйлер салу мәселесіне үлкен мән беру қажеттігі айтылды. Сонымен қатар облыс бойынша аудан орталықтарында мұрағат ғимараттарын салу мәселесі көтеріліп жобаға енгізілуде. Сондықтан бірінші кезекте ашылғаннан бері нақты орны болмай көшіп-қонып жүрген аудан орталығында Казталов мұрағат ғимаратын бірінші кезекте салу және көп жылдық тарихы бар Жалпақтал мұрағатын салу да өзекті мәселе екендігін ескеріп, алдағы жылдардың жоспарына енгізу қажеттілігі көтерілді. Қоғамдық кеңес мүшелері тарапынан Қоғамдық кеңесте қаралатын бөлімдерге қатысты мәселелерге бөлім басшыларының өздерінің қатысуына байланысты мәселені алдағы уақытта қатерге алу және ауылшаруашылық өндірістік кооперативтерінің жұмыстары туралы мәселені жылдық жоспарға енгізу туралы ұсыныстар берілді. Кеңеске қатысқан Казталов ауылы тұрғындары алдағы уақытта А.Оразбаева мектебінің ескі ғимаратын пайдалану мәселесі жөнінде өз ойларын жеткізді. Кеңесте көтерілген ұсыныс-пікірлерге қатысты хабарламашылар тиісті жауаптарын берді және алдағы жұмыстарында қатерге алынатындығын ескертті. Күн тәртібіндегі екінші мәселені талқылау нәтижесінде аудандық Қоғамдық кеңестегі бос орынға Қоғамдық кеңес мүшелерінің қолдауымен Казталов ауылының тұрғыны Джумагазиев Алмат Ахметқайырұлының кандидатурасы мақұлданды. Қоғамдық кеңесте қаралған жылдық жоспарға байланысты мәселе талқыланып жұмыс жоспары бекітілді. Жыл ішінде Қоғамдық кеңес мүшелерінің ұсыныс-пікірлері және аудан тұрғындары көтерген қоғамдық маңызы бар мәселелер бойынша ақпарат түскен жағдайда жұмыс жоспарына қосымша өзгерістер енгізу мүмкіндігі ескеріледі. Облыста бастама алған «Қаладан ауылға» жобасы бойынша аудандық экономика және қаржы бөлімінің басшысы Жадыра Сүндетова түсінік берді. Жобаның негізгі мақсаты қаладан және қала маңынан ауданның кіші елді мекендеріне келіп жұмыс істеуге ниет білдірген отбасыларға қолдау көрсету. Жоба нақты бекітілгеннен кейін аудан тұрғындарына қосымша түсініктер берілетіндігі ескертілді. Күн тәртібінде қаралған мәселелер бойынша Қоғамдық кеңес тиісті шешімдер қабылдады.

Казталов аудандық Қоғамдық кеңесі.

Фото