Новости Казкенес

https://www.facebook.com/permalink.php?story_fbid=pfbid0d8fzEo3cLakMmGu6w4xcqeXUAoJYdvFTqgyXWN19Dj88K7swNobxDp6nKUEhgREdl&id=100069253429541&__cft__[0]=AZVy2aVsJmv9bC0l7pEzoid31bUnkvlNjbAPq-VPHG_t9tvcbDrVumGg7zUMd12bmGU_COMM-Y70V2CLc3AnsTafbI8JHuY5yj

Ағымдағы жылдың 6 ақпан күні, Казталов аудандық Қоғамдық кеңесінің 2024 жылғы жұмыс жоспарына сәйкес кезекті отырысы оздырылды. Отырысқа аудандық Қоғамдық кеңестің төрағасы Мағауия Есмағұлов жетекшілік жасап жүргізіп отырды. Кеңес жұмысына аудандық Қоғамдық кеңес мүшелері, ауылдық округ әкімдері (онлайн форматта) аудандық полиция бөлімінің басшысы, бөлім басшылары және БАҚ өкілі қатысты. Жиынның күн тәртібінде: «Аудан бойынша қылмыстың алдын алу, құқық тәртібін нығайту мақсатында 2023 жылдың өткен кезеңінде атқарылған жұмыстардың жәйі және оны жетілдіру жөнінде алда тұрған міндеттері туралы», «Аудан бойынша жер учаскелерін конкурсқа шығару», «Казталов ауданында тұрғын үй көмегін көрсетудің мөлшерін және тәртібін айқындау туралы», «Казталов ауданы бойынша шетелдіктер үшін 2024 жылға арналған туристік жарна мөлшерлемелерін бекіту туралы» мәселелер қаралды. Кеңес отырысында сөз алған кеңес мүшелері тарапынан мал ұрлығының алдын алу, зорлық – зомбылыққа қарсы іс – әрекет туралы халық арасында түсінік жұмыстарын жүргізу, ауылішілік және республикалық маңызы бар жолдарға заңға сәйкес жол белгілерін орнату, қылмыстың алдын – алу немесе әділ жүргізілуі туралы ұсыныстар айтты. Сонымен қатар, Қоғамдық кеңес мүшелері тарапынан қойылған сұрақтарға аудандық полиция бөлімі басшысы, полиция подполковнигі М.Бельгибаев түсінік берді. Қоғамдық кеңес мүшесі С.Нигметов алдағы уақытта АПб бойынша қаралатын мәселелер өте ауқымды екенін ескеріп күн тәртібіне қаралатын тақырыптарды бөліп қарауды ұсынды. Күн тәртібіндегі екінші мәселе бойынша аудандық жер қатынастары бөлімінің басшысы С.Нұрмұхамбетов хабарлама жасады. Аудан бойынша жер учаскелерін конкурсқа шығару бойынша Қоғамдық кеңес мүшелері тарапынан кейбір жер көлеміне келіспеушіліктер болып, ауылдық округтердегі жергілікті қоғамдастық жиынында қарап, бөлуді және елді – мекендер шекарасына жақын жер телімдерін жалпы тұрғындарға қажеттілігін ескеріп конкурсқа шығармауға ұсыныс берді. Күн тәртібіндегі екінші және үшінші мәселелер бойынша хабарламалар тыңдалып, жиында айтылған ұсыныс-пікірлер ескеріліп тиісті шешімдер қабылданды.

Фото