Новости Казкенес

https://www.facebook.com/permalink.php?story_fbid=pfbid0wfxQmVogubDEPhXen5NsdMJTWeyhKX4Bi1uJJFWHWLmAQ7XQRNBE2sGEsz9Pdtg4l&id=100069253429541&__cft__[0]=AZVEtuFR_5uC_jzTbtnhcmFIHjputenNsIuFcOqpRQqXPM07bZxMpTijLt-S7SRicujesqfNVYZwiPWhJJEY5YCOwdY6q9ai2G

Ағымдағы жылдың 20 ақпан күні, Казталов аудандық Қоғамдық кеңесінің кеңейтілген төралқа отырысы оздырылды. Отырысқа аудандық Қоғамдық кеңестің мүшелері мен аудан әкімінің орынбасары З.Мажитова, тиісті бөлім басшылары және БАҚ өкілі шақырылып қатысты. Жиынның күн тәртібінде келесі мәселелер қаралды: 1.Казталов аудандық мәслихатының 2023 жылғы 22 желтоқсандағы №11-1 «2024-2026 жылдарға арналған аудандық бюджет туралы» шешіміне өзгерістер енгізу. 2. Казталов аудандық мәслихатының 2023 жылғы 27 желтоқсандағы «2024-2026 жылдарға арналған Казталов ауданының ауылдық округтерінің бюджеттері туралы» шешімдеріне өзгерістер енгізу. 3. 2024 жылы Казталов ауданының ауылдық елді мекендеріне жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, ауылдық округтер әкімдері аппараттарының мемлекеттік қызметшілеріне тұрғын үй сатып алуға немесе салуға бюджеттік кредит беру және бір жолғы көтерме жәрдемақы беру туралы. 4. Мемлекеттік органдардың азаматтарға көрсетілетін мемлекеттік қызметтердің ашықтығы мен қолжетімділігі, сыбайлас жемқорлықтың туындауына мүмкіндік жасайтын себептердің алдын – алу бағытында аудандық білім бөлімінде көрсетілетін мемлекеттік қызметтер туралы есепті тыңдау. Күн тәртібіндегі бірінші және екінші мәселелер бойынша Казталов ауданының және ауылдық округтерінің 2024-2026 жылдарға арналған бюджеттеріне өзгерістер енгізу мәселесінде Қоғамдық кеңес мүшелері тарапынан өз ұсыныстарын айтты. Соның ішінде қазіргі уақытта аса қажетті спорт мектебіне оқушылар тасымалы үшін автокөлік мәселесін шешуге жұмыстану және алдағы уақытта аудандық бөлімдерді де кезен-кезенімен қызметтік автокөлікпен қамту мәселесін шешу жөнінде ұсыныстарын білдірді. Аудан аумағында жол салу және жөңдеу жұмыстары бойынша құрылыс материалдарының сапасына сараптама БҚО бойынша шаруашылық жүргізу құқығындағы «Ұлттық жол активтері сапасы» республикалық мемлекеттік кәсіпорнымен жүргізіледі, алайда осы кәсіпорынның жұмыс нәтижесі жоқтығы және жол мәселесіне бөлінетін қаражатқа қатысты заңдылықтарды қарау жөнінде аудандық тұрғын үй, коммуналдық шаруашылық, жолаушылар көлігі және автомобильдер жолдары бөліміне ұсыныстар айтылды. Күн тәртібіндегі үшінші және төртінші мәселелер бойынша бөлім басшылары жасаған хабарламаға Қоғамдық кеңес мүшелері тарапынан сұрақтар қойылып тиісті жауаптар алынды. Кеңейтілген төралқа отырысында қаралған мәселелер бойынша, Қоғамдық кеңес мүшелері тарапынан айтылған ұсыныстар ескеріліп шешім қабылданды.

Фото