Новости Казкенес

https://www.facebook.com/permalink.php?story_fbid=pfbid0Gkukuj4NT9yVuetDBKoaM2b7JGDmynQP43xduDaDnjA2BzEAMzMqyp86dmYEgdNBl&id=100069253429541&__cft__[0]=AZVbizlETFKzFB9F2KWCA2Blq1Sx-e3BV-lS14OdLGLz94glaHQQzsdUB440357YGmRwvCJ-MwvSBU-IB279sTDnF1Ilf3QxId

24 сәуір күні Казталов аудандық қоғамдық кеңестің кезекті отырысы өтті. Жиынға аудандық Қоғамдық кеңес мүшелері, аудан әкімі Асланбек Сарқұлов және күн тәртібіндегі мәселелерге жауапты бөлім басшылары қатысты. Қоғамдық кеңестің кезекті отырысында үш мәселе талқыланды. Бірінші және екінші мәселелер бойынша аудандық экономика және қаржы бөлімінің басшысы Жадыра Сүндетова «Казталов ауданының 2023 жылғы бюджетінің атқарылуы туралы» жылдық есебі және «Казталов ауданының ауылдық аумақтарын дамытудың 2024-2028 жылдарға арналған Жол картасының» ағымдағы жылы атқарылатын жұмыстары және 2025 жылға арналған жобалар туралы баяндады. Қоғамдық кеңес мүшелері тарапынан осы мәселе бойынша хабарламашыға толық мәліметпен хабардар ету және мәліметте көрсетілген «сандарды» ашып көрсету туралы ескерту айтылды. Жобада облыстық денсаулық және білім басқармалары даярланатын жобаларға қатысты сындар айтылды. Себебі, жоспарға енгізілген осы салалар бойынша жұмыстарға осы күнге дейін жобалық сметалық құжаттар жасалмаған. Аудандық Қоғамдық кеңестің мүшелері аудандық коммуналдық кәсіпорнының жағдайы, төтенше жағдай бойынша жаратылған қаражат есебі, ауыз суды іске қосу және су тарифтерінің көтерілуі, дипломмен ауылға жобасы туралы мәселелерді қозғап, тиісті жауаптар алынды. Күн тәртібіндегі үшінші мәселе бойынша аудандық тұрғын үй-коммуналдық шаруашылық, жолаушылар көлігі және автомобильдер жолдары бөлімінің бас маманы Айзат Меңдібай «Батыс Қазақстан облысы Казталов ауданы бойынша коммуналдық қалдықтарды басқару бағдарламасын бекіту туралы» хабарлап, қоғамдық кеңес мүшелері бұл бағдарламаның аудан және ауыл тұрғындары үшін өте қажет екенің айтып, халық арасында түсінік жұмыстарын жүргізуді ұсынды. Жиын соңында аудан әкімі Асланбек Ахметоллаұлы Сарқұлов Қоғамдық кеңес мүшелерінің қойылған сұрақтарына жауап беріп, аудан бойынша кейбір мәселелерге тоқталып кетті. Атап айтсақ, аудандағы ауыз су мәселесі, ауыл ішілік және аудандық маңызы бар жолдар, тұрғын үй мәселесі және «Дипломмен ауылға» бағдарламасы. Қорытынды сөз алған аудандық Қоғамдық кеңес төрағасы Мағауия Сансызбайұлы Есмагулов аудан үшін бірлесіп жұмыс жасауға шақырды және күн тәртібіндегі мәселелерге байланысты дайындалған шешім жобасы бекітіліп, қоғамдық кеңес мүшелері тарапынан айтылған ұсыныс – пікірлер аудан әкімінің назарына ұсынылды.

Фото