Новости Казкенес

https://www.facebook.com/permalink.php?story_fbid=pfbid02dCwJnmY4sMmmNYJF8SdUqZJVt18jD6GB7ENvqPmwadkJK1A6XGGEq7E1gDQwSHE3l&id=100069253429541&__cft__[0]=AZUgy35k8JjLb8TkkL5QmFC9znokEQOSq7b791pMpCs1EEpEdXSdAudiduw38l5jcql-fEg--c5o88gYEfrPVlgul8-1TGxGt

12 маусым күні аудан әкімдігінің үлкен мәжіліс залында Казталов аудандық қоғамдық кеңесінің кеңейтілген отырысы өтті. Жиынға аудандық Қоғамдық кеңес мүшелері, аудан әкімі А.А.Сарқұлов, аудандық мәслихат депутаттары және күн тәртібіндегі мәселелерге байланысты бөлім басшылары қатысты. Кеңейтілген отырыста үш мәселе талқыланды. Бірінші мәселе бойынша аудандық экономика және қаржы бөлімі басшысының міндетін атқарушы Айнур Мусина «Казталов аудандық мәслихатының 2023 жылғы 22 желтоқсандағы №11-1 «2024-2026 жылдарға арналған аудандық бюджет туралы» шешіміне өзгерістер енгізу туралы хабарлама жасады. Хабарламашыға Қоғамдық кеңес мүшелері тарапынан сұрақтар қойылып, тиісті жауаптар алынды.

Күн тәртібіндегі екінші мәселе «Ауданда оқушылардың жазғы демалыс лагерін салу мәселелері туралы». Бұл мәселе бойынша аудандық сәулет, қала құрылысы және құрылыс бөлімі басшысының міндетін атқарушы Асфандияр Амангельдиев пен аудандық білім беру бөлімінің әдіскері Нұрлан Жасқалиев хабарлама жасап, түсінік беріп өтті. Аудан үшін өзекті мәселе болып табылатын бұл мәселеде Қоғамдық кеңес мүшелері мен аудандық мәслихат депутаттарының тараптарынан бірқатар сұрақтар қойылып, өз ұсыныстарын білдірді.

Кеңес отырысында сөз алған аудандық қоғамдық кеңес мүшесі Сисенғали Нигметов 2018, 2020, 2021 жылдары қоғамдық кеңестің отырыстарында жаңадан лагерь салу туралы мәселе көтергенін және осы мәселеге қатысты жоба жасау аудандық қоғамдық кеңес мүшелерінің келісімімен болғанын айтты.

Сонымен қатар, жиында аудандық Қоғамдық кеңес мүшелері М.Тоясов, Б.Байғонақов және аудандық мәслихат депутаттары Қ.Ермеков, А.Шакуов, Д.Рахматуллин, М.Меңдешов, С.Қадемов, Р.Есенғалиев Ақкөл жағасында балалар демалыс орнын салуға қатысты өз ойларын жеткізді.

Отырыста жиынға қатысушылар Ақкөл жағасында да лагерь салуға жобалық сметалық құжат жасақтау қажеттігі жөнінде келісімге келіп, дайындалған жобаларды тиісті құзырлы облыстық басқармаларға жолдауға ұсыныс берді.

Жиын соңында басқа да мәселелер талқыланып, тисіті шешім жобасы қабылданды.

 

Казталов аудандық Қоғамдық кеңесі.

Фото