MIND жобалық кеңсесінің ТДМ 11 тобының сарапшылары мен талдаушылары «Халық қатысатын бюджет» жобасы бойынша кездесу ұйымдастырды

18.06.2024 ж.

Бүгін Қосшы қаласындағы «Дара» бизнес-академиясының мәжіліс залында MIND жобалық кеңсесінің ТДМ 11 тобының сарапшылары мен талдаушылары «Халық қатысатын бюджет» жобасы бойынша кездесу ұйымдастырды. Жиынға Қосшы қаласы Қоғамдық кеңесінің төрағасы С. Матайбаева, мәслихат депутаты И. Осипова, кеңес мүшелері, МИБ (ОСИ) төрағалары, әкімдік өкілдері және белсенді тұрғындар мен кәсіпкерлер қатысты.

«Халық қатысатын бюджет» жобасының мақсаты — жергілікті атқарушы органдардың оны қалыптастыру аясында жергілікті бюджет қаражатын бөлу кезінде халықтың қатысуын қамтамасыз ету болғандықтан қоғам өкілдерінің белсенділігі өте маңызды.

Талқылау барысында сарапшы Алтынай Нуркеева аталған механизмі жетілдіру бойынша бірқатар ұсыныстармен таныстырды. Кездесуге келген тұрғындар қаламызды абаттандыруда жергілікті бюджет қаражатын бөлуге қатысты, аумақты көгалдандыру, тротуарларды, пандустарды, және жөндеу, көшелерді жарықтандыру, бордюрларды, қоқыс тастайтын жерлерді жою, балалардың ойын алаңдарын салу, салынған алаңдардың сапасын қадағалау және т.б. сала бойынша ақпарат алып, өздерін мазалаған сауалдарын қойды.

Қосшы қаласын дамыту, абаттандыру жұмыстарын жүргізу бюджет көлеміне тікелей қатысты екенін ескерсек қаламызды дамытуда – халықтың үніне құлақ асу, аталмыш жоба аясында ұсынылатын идеяларды қолдау, оны жүзеге асыру – қаламыздың көркеюі үшін аса маңызды.

Фото

Previous Next