Новости Казкенес
Новости KazKENESҚоғамдық кеңес отырысы өтті.
Қоғамдық кеңес отырысы өтті.
Ағымдағы жылдың 11 шілде күні Г.Турганалиевтың төрағалығымен аудандық Тасқала ауданының қоғамдық кеңесі Облыстық «Ақ отау» отбасы орталығы» қоғамдық бірлестігімен бірлескен «Отбасының құлдырауы қоғамның құлдырауы» тақырыбындағы семинар-кеңесі өтті.
Кеңес отырысына Тасқала аудан әкімінің орынбасары Галиева Саягүл Мәулетқызы, облыстық қоғамдық даму басқармасы бөлім басшысы Ахметов Жаннұр Бекбауұлы, облыстық «Ақ отау» отбасы орталығы» қоғамдық бірлестігінің жетекшісі Искалиева Алтынай Ғалымқызы, «Ақ отау» отбасы орталығы» қоғамдық бірлестігінің өкілі, ардагер ұстаз Айтмағамбетова Гүлнар Муханбетқалиқызы, Тасқала аудандық аналар кеңесінің жетекшісі Нұрмакова Майра Әбуқызы, Тасқала аудандық полиция инспекторы, капитан Тапалов Эльдар Батырұлы, барлық деңгейдегі аудан тұрғындары, аналар-кеңесінің мүшелері, жастар және БАҚ өкілі қатысты.
Күн тәртібі бойынша зорлық–зомбылыққа қарсы қабылданған Қазақстан Республикасының заңнамаларын «Отбасының құлдырауы қоғамның құлдырауы» және «Зорлық-зомбылыққа қарсы шаралар» тақырыбын талқылау, тұрмыстық зорлық-зомбылықтың алдын алу және тұрмыстық зорлық-зомбылыққа қарсы мәдениетті қалыптастыру мәселесі тындалды.
Тасқала аудан әкімінің орынбасары Галиева Саягүл Мәулетқызы кіріспе сөзінде отбасылық жанжал, тұрмыстық зорлық-зомбылық қоғамда өршіп тұрған мәселенің бірі екендігін, бұл келеңсіздікке ел Президентінің өзі назар аударып, арнайы заңның қабылдануына бастамашы болды. Сондықтан, бізде бұл бастамаға қолдау танытып, өз деңгейімізде отбасындағы береке мен бірлікке арқау болып, жарасымды жұп, берекелі отбасы бағытын барынша насихаттауымыз керектігін айтып өтті.
Облыстық «Ақ отау» отбасы орталығы» қоғамдық бірлестігінің жетекшісі Искалиева Алтынай Ғалымқызы отбасы жағдайы, «Тұрмыстық зорлық-зомбылық туралы» Заңы және отбасы құндылықтары туралы салиқалы әңгіме жүргізді.
Келесі сөз алған облыстық қоғамдық даму басқармасы бөлім басшысы Ахметов Жаннұр Бекбауұлы жобаның міндеті тұрмыстық зорлық-зомбылықпен күрес бойынша тиімді, кешенді тетіктерді дайындау, сондай-ақ отбасы-тұрмыстық қатынастар аясындағы құқық бұзушылықтарды төмендету болып табылатынын атап өтті. Отбасы-тұрмыстық қатынастар аясында адамның және азаматтың конституциялық құқықтарын, бостандықтары мен заңды мүдделерін қорғауға, тұрмыстық зорлық-зомбылықтың алдын алуға және жолын кесуге, сондай-ақ оларды жасауға ықпал ететін себептер мен жағдайларды анықтауға және жоюға бағытталған құқықтық, экономикалық, әлеуметтік және ұйымдастырушылық шаралар кешені Қазақстан Республикасының «Тұрмыстық зорлық-зомбылық профилактикасы туралы» Заңына сәйкес жүзеге асыратынын мәлімдеді.
Келесі сөз кезегі Тасқала аудандық аналар кеңесінің жетекшісі Нұрмақова Майра Әбуқызына берілді. Майра Әбуқызы әдеп сақтау, ар-ұят өлшемінен аттамау, салт-дәстүрді құрметтеу және «Ұл өсіргенің-ұрпақ өсіргенің, қыз өсіргенің- ұлт өсіргенің»-деп ұрпақ тәрбиесіне ерекше көніл бөлу қажет екендігін айтып өтті.
Аудандық Ы.Алтынсарин атындағы ЖОББМ тәрбие ісі жөніндегі орынбасары, қоғамдық кеңесінің мүшесі Гүлдана Орынғалиқызы жалпы мектепте бақылауды күшейту, оқушылар тәртібін қатаң қалағалау, тәрбие ісін нығайту барысында атқарылып жатқан жұмыстарымен таныстырды.
Тасқала аудандық полиция инспекторы, капитан Тапалов Эльдар Батырұлы заңнамалық деңгейде қабылданған тұрмыстық зорлық-зомбылық үшін жауапкершілікті қатаңдату жөніндегі шаралар туралы айтып берді. Сонымен қатар отбасылық-тұрмыстық зорлық-зомбылықтың алдын алу мемлекеттік деңгейде, сондай-ақ қоғамның тарапынан да кешенді тәсілдерді талап ететінін айтты. Атап айтқанда, тұрмыстық зорлық-зомбылық үшін жауапкершілік күшейтілді: Қылмыстық кодекске, Әкімшілік құқық бұзушылық туралы кодекске тиісті түзетулер енгізілді.
Семинар қатысушылар отбасылық тұрмыстық зорлық-зомбылықтың алдын-алу шаралар туралы, қоғамда зорлық- зомбылықтың болмауына ықпал ету бойынша өз пікірлерімен бөлісті.
Фото
