Туристік орындарға экомониторинг жасалды

Мемлекет басшысы Қ.Тоқаев бастамашылық еткен “Таза Қазақстан” акциясы аясында Мәдениет және ақпарат министрлігінің тапсырмасымен Қоғамдық кеңестер а.ж. 10 тамыз - 10 қыркүйек аралығында жүргізілетін экобақылау бойынша республикалық акцияға қатысуда.

 Жамбыл облысы бойынша экобақылау акциясы шеңберінде 1 айға жоспарланған іс-шараларға сәйкес 1-ші апта Тараз қаласы және Байзақ, Т.Рысқұлов, Жамбыл аудандарында орналасқан туристік және тарихи- мәдени нысандарға экомониторинг жүргізуге арналады.

 Жамбыл облыстық Қоғамдық кеңесінің мониторингтік тобы мүшелері М.Абдраимов, Ә.Зәуірбеков, Ж.Орынбаева 12 тамыз күні “Тектұрмас” этно-тарихи кешені, “Қарахан”кесенесі орналасқан аумақтарға экомониторинг жүргізді.

 Экомониторинг барысы көрсеткендей, еліміздің маңызды, құнды туристік, тарихи- мәдени нысандары болып табылатын аталған нысандарды толық көгалдандыру жұмыстары талаптарға сай жүргізілмеген, кейбір шырша ағаштары, туя ағаштары түгел дерлік қурап кеткен.

 Аумақтарды суару жүйесі жүргізілгенімен суару маусымында заманауи су ресурстары қолданылмаған, құрғақшылық салдарынан аумақтың басым бөлігі сары түске оранған.

Адамның іс-әрекетінің және табиғи процесстердің қоршаған ортаға әсерін анықтау мақсатында өткізілетін экологиялық мониторинг қоршаған ортаның күйін бағалау үшін кешенді құралдар қолдану қажеттігін көрсетеді.

Фото

Previous Next