Новости Казкенес
Новости KazKENESКәсіптік білім беру жайы қалай?
Жамбыл облыстық Қоғамдық кеңесінің жұмыс жоспарына сәйкес облыс әкімдігінің жұмыспен қамтуды үйлестіру және әлеуметтік бағдарламалар басқармасы қызметтеріне қоғамдық мониторинг жүргізілуде.
Қазақстан Республикасының еңбек нарығын дамытудың 2023-2029 жылдарға арналған Тұжырымдамасында еңбек нарығының ең маңызды басымдығы жаңа сапалы жұмыс орындарын құру арқылы бәсекеге қабілетті, болжамды және бейімделгіш нарық құру болып табылатындығы атап көрсетілген.
Басқарманың мәліметі бойынша Тұжырымдама аясында 2024 жылы 60 672 адамды жұмыспен қамтудың белсенді шараларына тарту жоспарланған.
Кәсіптік оқытуды ұйымдастыру және қаржыландыру қағидаларына сәйкес кәсіптік оқыту жөніндегі қызметтер мемлекеттік білім беру тапсырысы болып табылады және білім беру ұйымдарында, қолданыстағы заңнамаға сәйкес білім беру қызметіне құқығы бар жұмыс берушілер жанындағы оқу орталықтарында жүргізіледі.
Осы мақсатта 1291 жұмыссызды кәсіптік оқытумен қамтуға облыстық бюджеттен 401,2 млн.теңге қарастырылса, ал жұмыс берушілердің сұратуы бойынша аудандар мен Тараз қаласынан кәсіптік оқытуға жылдық жоспар 903 адамды құрайды. Оқыиуға жолданғандар саны - 800.
Тараз қаласы бойынша 3 айлық кәсіптік оқытуға 225 адам, ал 2 айлық оқытуға 65 жұмыссыз жолданған.
Мониторингтік топ “ Бағыт Тараз”, ЖШС, “Центр Даму KZ” АҚ, “Эльба” ЖШС жанындағы оқу орталықтарында маусым айынан басталған кәсіптік оқыту барысына қоғамдық мониторинг жүргізді.
Аталған оқу орталықтарында тракторист-машинист, электргазбен дәнекерлеуші, тігінші, массажист, визажист, аспазшы, кондитер мамандықтары бойынша барлығы 194 адам оқытылуда.
Кәсіптік оқытудың теориялық сабақтарын және практикалық бөлігін жауапты мамандардың бекітілген оқу бағдарламалары бойынша оқу-әдістемелік кешендер, ақпараттық технологиялар қолдану арқылы жүргізетіні туралы тыңдаушылар жан-жақты айтып берді.
Кәсіптік оқыту мерзімі ішінде әлеуметтік келісім-шарт негізінде тыңдаушыларға ай сайын шәкіртақы төленетіні, оқыту аяқталғаннан кейін оларға сертификат беріліп, тұрақты жұмыс орындарымен қамтамасыз етілетіні мемлекет тарапынан көрсетілген нақты қолдау екендігі туралы баяндалды.
Қоғамдық мониторинг барысы көрсеткендей, Қағидаларға сәйкес кәсіптік оқыту жөніндегі қызметтердің талаптарын орындау, білім беру қызметіне құқығы бар жұмыс берушілер жанындағы оқу орталықтарының материалдық-техникалық базасын жарақтандыру, қүрылыс саласы бойынша кәсіптік оқытуды ұйымдастыру туралы туындаған сұрақтар жөнінде ұсынымдар дайындалып, тиісті мемлекеттік органдарға жолданатын болады.
Фото
