Қоғамдық кеңес отырысы

Атырау облыстық қоғамдық кеңесінде.

Атырау облыстық қоғамдық кеңесі 27 тамыз  күнгі отырысында жылдық жоспарға сай,  «Облыс білім саласының өткен жылғы қорытындылары және оны жақсарту бағытындағы шаралар, жаңа 2024-2025 оқу жылына дайындығы туралы» мәселе қарады. Күн тәртібіндегі мәселе бойынша баяндаманы Білім беру басқармасының басшысы  М.Әбуов жасады.

Бүгінгі күні облыста 608 білім беру ұйымы жұмыс жасайды (503 мем., 94 жеке) 334 мектепке дейінгі білім беру ұйымдары (мемлекеттік-243, контингент-27 373, жекеменшік – 91, контингент-7 324. Балабақшалар-234, тәрбиеленушілер - 31 978, шағын орталықтар-100, тәрбиеленушілер-2 719), 224 мектеп(204 мем., 20 жеке), 24 колледж (17 мем., 7 жеке), 11 қосымша білім беру ұйымы және 15 арнайы білім беру ұйымдары (3 ПМПК, 8 КППК, 1 РО, 3 мектеп-интернат).

Ондағы педагогтар саны 16 355 ті құрайды (оның ішінде: педагог-шебер -162, педагог-зерттеуші -  2305, педагог-сарапшы – 2578, педагог-модератор – 2054). Кадр сапасы 57 %.

Қоғамдық кеңес мүшелері баяндамашыға білім сапасы, мекетептердің материалдық базасы, балалардың мектепке қатынауы, кадр жетіспеушілігі, т.б қоғамды мазалап жүрген сұрақтарды қойып, жауабын алды.

Сонымен  бірге, Білім басқармасының басшысы өткен жылғы қоғамдық кеңестің осы мәселе бойынша қабылдаған қарарының орындалысы туралы айтып өтті.

Отырыста қоғамдық кеңестің Әлеуметтік және мәдени даму мәселелері жөніндегі  комиссия төрайымы  Н.Камалова қосымша баяндама жасады.

Комиссия мүшелері Атырау облысындағы орта білім беретін білім ордаларының жаңа 2024-2025-ші оқу жылына дайындығын зерделеу үшін Атырау қаласында бірқатар  мектептерге барды. Ол мектептердің ішінде күрделі және ағымдағы жөндеу жұмыстары жүргізіліп жатырған мектептер де бар.

 Өткен жылғы жасалған осындай зерделеу жұмыстары ауқымды болған болатын. Өткен жылмен салыстырғанда биыл өзгерістер жоқ. Сол былтырғы мәселелер биыл да қайталанады. Атап айтсақ, тапсырысты кеш жасақтап, мемлекеттік сатып алудың кеш жарияланып, қаражаттың кеш аударылуы себепті жөндеу жұмыстары уақтылы басталмаған, И.Тайманов атындағы орта мектепте ағымдағы жөндеулер әлі жалғасып жатыр. Яғни, өткен жылы 21 тамызда Атырау облыстық Қоғамдық кеңесінің қабылдаған №7-ші қарарының 2.14) пунктінде айтылған «Мектептерді жаңа оқу жылына дайындау және жазғы каникул кезінде жасалатын ағымдағы жөндеулердің уақтылы бітуін және сапалы болуын тиісті жауапты басқармалармен қадағалау жұмыстарын жүргізу» мәселесі әлі де өзекті болып тұр.Барлық құжаттарды алдын-ала желтоқсан-қаңтар айынан бастап рәсімдеп, оқу жылы аяқталғаннан кейін ағымдағы жөндеулерді бастап кету мүмкіншілігін қарастыру керек.

Биыл да кейбір мектептердің үш ауысымда және тасымалдаумен оқитын оқушылардың ата-аналары алаңдаушылық танытып отыр.

№24-мектептен 15-20 метрде жерде компьютерлік ойын клубы орналасқан. Біздер лудоманиямен күресеміз дейміз. Ал бұл ойын клубының орналасуы заңға қайшы ма, жоқ па деген мәселеге зерделеу жасап, егер заңға қайшы болса, шара қабылдануы қажет.

Былтырғы жылы қала, аудан мектептерінің аулаларын абаттандыру туралы мәселе де айтылған еді, орындалысы ішінара, ауласы көз тартарлықтай жайнап тұрған мектеп кемде-кем.

Өткен оқу жылы барысында мектептегі тегін ыссы тамақтың дәмсіз болуына ата-аналар тарапынан шағым көп болды. Атырау облыстық Қоғамдық Кеңес мүшелері арнайы санитарлық кітапша толтырып, мектептердегі тамақтандыруға зерделеу жүргізген болатын. Биыл да арнайы медициналық тексерістен өтіп, санитарлық кітапша  алып, облыс орталығы мектептеріндегі ыссы тамақтандыруға мониторинг жүргізуді жоспарлауда. Бұл жерде атап өту керек, аудандардағы мектеп асханаларының тамақтандыруына ата-аналар ризашылық білдіруде. Шағымдар тек Атырау қаласындағы мектептерге қатысты.

Н.Камалованың баяндамасы бойынша М.Әбуов және қалалық Білім бөлімінің басшысы А.Дүйсекенова түсінік берді.

Отырыс қорытындысы бойынша  қарар қабылданып, орындалысы бақылауға қойылатын болады.

Фото

Previous Next