Новости Казкенес
Новости KazKENESШЫМКЕНТ: ҚОҒАМДЫҚ КЕҢЕС ӨТТІ
ШЫМКЕНТ: ҚОҒАМДЫҚ КЕҢЕС ӨТТІ
Шымкент қаласы қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Әлтеев Бауыржан Ілімшаұлы жүргізіп отырды.
Отырысқа қала әкімінің орынбасары Құранбек Сәрсен Абайұлы, қоғамдық кеңес мүшелері, басқарма басшылары, БАҚ өкілдері қатысты.
Күн тәртібіне сәйкес, «Жұлдыз», «Оңтүстік», «Бозарық» «ТЛЦ» индустриялық аймақтарда орналасқан кәсіпкерлердің электр энергиясының қымбаттау мәселесі бойынша кеңеске жазған арыздарына сәйкес, кеңес мүшесі Нургуль Кобланованың ұсынысы тыңдалды.
Кеңес мүшелері Индустриалдық аймақтағы электр энергиясының қымбаттау мәселесі бойынша наразылықтарын білдіріп, тиісті мекемелерге бірқатар ұсыныстар айтты.
«Жұлдыз» ИА-ғы электр энергиясын ірі-ұсақты тұтынушыларға электр энергиясын көтерме бағамен сатып алатын бірлестік (оператор) құру, «Жұлдыз» ИА жер телімдерін жалға беру тарифін көтеру туралы шешім, Бағаның қандай факторларға байланысты көтерілетінін, сол тарифте қалуға болатынын түсіндіру, «Жұлдыз» ИА-на су, электр, газ, кәріз желілерін қосу бойынша жұмыстарды орындайтын мердігерлер нақты жоспарланған қосылу мерзімімен хат жазып, қандай коммуникациялар жүргізіліп жатқанын картадан көрсетуі қажет. Кәсіпкерлер қосылу үшін техникалық шарттарды сұрай алатын нақты күндерді көрсету ұсынылды.
Сонымен қатар Шымкент қаласындағы табиғи монополиялар субъектілерін тарифтері және тарифтерді ұстап тұру бойынша жүргізіліп жатқан жұмыстар туралы Табиғи монополияларды реттеу комитетінің Шымкент қаласы бойынша департаментінің басшысы К.Көшекбаевтың, Мәдениет, тілдерді дамыту және архивтер басқармасының 2023-2024 жылдары атқарған жұмыстары туралы басқарма басшысы Б.Орынтаевтың, Шымкент қаласындағы спорт саласындағы 2023-2024 жылдары атқарылған жұмыстар туралы баяқарма басшысы М.Мықтыбековтың, Ішкі саясат және жастар істері жөніндегі басқармасында 2023-2024 жылдары атқарылып жатқан жұмыстар туралы басқарма басшысының м.а М.Кеуенованың баяндамалары тыңдалды.
Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.
#ҚоғамдықКеңесОбщественныйСовет
Фото
