Новости Казкенес
Новости KazKENESШЫМКЕНТ: ҚОҒАМДЫҚ КЕҢЕС ӨТТІ
ШЫМКЕНТ: ҚОҒАМДЫҚ КЕҢЕС ӨТТІ
Шымкент қаласы қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Әлтеев Бауыржан Ілімшаұлы жүргізіп отырды.
Отырысқа қоғамдық кеңес мүшелері, Шымкент қаласы ТЖД бастығы, тиісті басқарма басшылары, БАҚ өкілдері қатысты.
Күн тәртібіне сәйкес, Шымкент қаласының Төтенше жағдайлар департаментінің атқарған жұмыстары, профилактикалық шаралар мен қаладағы ТЖ дайындығы туралы департамент бастығы Қ.Базарбаевтың, Шымкент қаласындағы құрылыс нысандарының сапасы туралы басқарма басшысы О.Тәжібаевтың, Білім саласының өзекті мәселелері (оқушылар арасындағы суицид, жүктілік, есірткі қолдану, жол-көлік апаты және өзге де құқық бұзушылықтар) туралы басқарма басшысының м.у.а Е.Саметовтың баяндамалары тыңдалды.
Шымкент қаласы Төтенше жағдайлар департаментінің мәліметі бойынша Есепті кезеңде "112" және “101"телефондарына 197 905 астам қоңырау түсті, авариялық-құтқару жұмыстарына 2 224 жедел шығу жасалды, нәтижесінде 285 адам, оның ішінде 165 бала құтқарылды, ТЖ аймақтарынан 59 адам эвакуацияланды, алғашқы медициналық көмек 211 адамға көрсетілді. Жыл басынан 145 төтенше жағдай тіркелді, оның 138 техногендік, 7 табиғи сипатта. Төтенше жағдай кезінде 21 азаматзардап шекті оның ішінде 6 адам қаза тапты. 134 өрт тіркеліп, өрт салдарынан 1 адам қаза тауып, 8 адам жарақат алды. Өрттен материалдық шығын 334 млн. 572 мыңтеңгені құрады, құтқару қызметімен 1 млрд. 740 млн. 250 мың теңгеге материалдық құндылықтар құтқарылды.
Кеңес мүшелері Шымкент қаласының төтенше жағдайға дайындығына алаңдаушылық білдіріп, тиісті сұрақтар қойды.
Құрылыс басқармасының басшысы О.Тәжібаевтың айтуынша, жылдың аяғына дейін “Жайлы мектеп” ұлттық жобасы бойынша 12 мекептің құрылысын аяқтау жоспарланып отыр.
Қоғамдық кеңес мүшелері қалада көпқабатты тұрғын үй құрылысының сапасын арттыру, кепілдік мерзімін ұзарту бағытында бірқатар ұсыныстарын айтты.
Білім басқармасы басшысының м.у.а Е.Саметовтың баяндамасына кеңес мүшелері бірауыздан қанағаттанбай қабылдаусыз қалдырды. Алдағы уақытта тұрақты комиссия отырысында қайта қаралатын болады.
Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.
Отрысы соңында Қоғамдық кеңес мүшелерінің әлеуетін көтеру және олардың қызметінің белсенділігін арттыру мақсатында қоғамдық кеңестер туралы заңнама нормаларын, сондай-ақ қоғамдық бақылауды жүргізу бойынша кеңес мүшелеріне семинар-тренинг жүргізілді.
Фото
