Новости Казкенес

ШЫМКЕНТ: ҚОҒАМДЫҚ КЕҢЕС ОТЫРЫСЫ ӨТТІ

ШЫМКЕНТ: ҚОҒАМДЫҚ КЕҢЕС ОТЫРЫСЫ ӨТТІ

✅Бүгін Шымкент қаласының Қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Әлтеев Бауыржан Ілімшаұлы жүргізіп отырды.

Отырысқа қоғамдық кеңес мүшелері, тиісті басқарма басшылары, БАҚ өкілдері қатысты.

🔱Күн тәртібіне сәйкес Қазақстан Республикасының Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті басшысының м.а Р.Танабаевтың, Энергетика және инфрақұрылымды дамыту басқармасының басшысы Р.Меңдіқұловтың, Шымкент қаласы жұмыспен қамту және әлеуметтік қорғау басқармасының басшысы Ж.Утебаеваның, Туризм, сыртқы байланыстар және креативті индустрия басқармасы басшы Б.Әділхановтың баяндамалары тыңдалды.

🔹Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті басшысы халықты толғандыратын мәселелерді жүйелі шешу мақсатында Агенттік еліміздің әрбір өңірі үшін сыбайлас жемқорлық тәуекелдерінің арнайы карталарын әзірледік. Өңірдің сыбайлас жемқорлық тәуекелдерінің картасы жүйелі сыбайлас жемқорлық кездесетін 13 саланы (әлеуметтік сала, жер қатынастары, экономика және қаржы, құрылыс және тұрғын үй, жол және инфрақұрылым, бизнес, сот және құқыққорғау, сейсмикалық қауіпсіздік, ұзақ мерзімді құрылыс)қамтиды.

Аталған салалардың барлығында дерлік қылмыстық істер мен алдын алу жұмыстарының нәтижелері бар екендігін баяндады.

🔹Энергетика және инфрақұрылымды дамыту басқармасының мәліметіне сәйкес, қазіргі таңда, 81 елді-мекеннің 80-і сапалы ауыз сумен қамтамасыз етілсе, 1 елді мекен кестемен (Құрсай) қамтамасыз етілуде. 81 елді-мекен толық сапалы электр қуатымен қамтылған.

Табиғи газбен жалпы 54 елді мекен қамтылған, 24 жартылай және 3 елді мекен қамтылмаған. 838,6 км жылу құбырлары бар: Тозу деңгейі 37%-ы құрайды. Шымкент қаласы бойынша орталық маңызы бар 747 көшенің 522 көшесі жарықтандырылған.

Кеңес мүшелері Шымкент қаласының энергетика саласына алаңдаушылық білдіріп, тиісті сұрақтар қойды.

🔹2024 жылы 56,9 мың адамды жұмыспен қамту шараларына қатыстыру жоспарланып, 2024 жылдың 1 тамыз дейін 27 168 адам қатысып 47,7% орындалып отыр. (2023ж.- 73985).

- 30 207 адамды жұмыспен қамту шараларына қатыстыру жоспарланған, нақты 17 163 адам қатысқан (56,8%) (2023ж.- 42 524);

- 26 482 адамды Шымкент қаласында іске асырылып отырған концепциялар, даму бағдарламасы және азаматтардың жеке бастамасымен құрылған жаңа жұмыс орындарына жұмысқа орналасатыру жоспарланған, нақты 10 005 орындалды(2023ж.-31 197).

🔹Туризм 2023 жылдың қорытындысымен жалпы қалаға келген туристер саны 449 098-ге жетті (ішкі туристер саны 420 398, шетелдік туристер саны 28 700 адам).

Статистика департаментінің ақпаратына сәйкес, 2024 жылдың 3 айында қалаға 111 733 турист келген.

2024 жылы орналастыру орындарының саны 148 жетсе, бөлме қорының саны 6 409 бірлікке артып отыр.

Қала аумағында 20 туристік оператор мен 120 аса туристік агенттіктер тұрақты жұмыс жасауда.

Қазіргі таңда, тікелей әуе бағытында 12 ішкі рейс (Астана, Алматы, Ақтау, Атырау, Көкшетау, Жезқазған, Өскемен, Орал, Қостанай, Ақтөбе, Петропавл, Семей)және 5 халықаралық рейс (Мәскеу, Ыстанбұл, Дубай, Анталия, Кутаиси) қатынауда. Әуе хабарламаларының санын көбейту бойынша жұмыстар жүргізілуде.

☑️Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.

✅Жиын соңында ҚР Конституция күні мерекесіне орай бірқатар кеңес мүшелері Шымкент қаласы мәслихатының төрағасы Б.Нарымбетовтың алғыс хатымен марапатталды.

Фото