КӨЛІК ЖҮРГІЗУШІЛЕРІ ТАЗАЛЫҚҚА НЕМҚҰРАЙЛЫЛЫҚ ТАНЫТУДА

 Әрбір тұрғынды табиғатты қорғауға, қоршаған ортасын  ұқыпты қарауға, проблемалық мәселелерді анықтап, толыққанды нәтиже шығару мақсатында  ҚР Мәдениет және ақпарат министрлігінің ұйымдастыруымен Қоғамдық эко-бақылау республикалық акциясы  Жамбыл ауданында да өткізілді. 

Осы орайда, Жамбыл облыстық Қоғамдық кеңесінің мүшелері  Рүстем Әлішұлы Бегалиев мен Тоқсаба Жандар Жамбылұлы  аудан аумағында орналасқан туристік және тарихи- мәдени нысан Айша бибі кесенесі, Айшабибі ауылында орналасқан Әулиебастау бұлағы  мен Қаракемер ауылындағы қатты тұрмыстық қалдықтарды сақтау полигонына экомониторинг жұмыстарын жүргізді.

Мониторинг жұмысы барысында Қаракемер ауылындағы қатты тұрмыстық қалдықтарды сақтау полигоны маңында жол бойында біршама қалдықтар тасымалдаушы автокөліктерден қалғандығы анықталды. 

Бұл полигонға ауданның 11 елді мекенінен тасымалданғанымен полигон аудан әкімдігінің тұрғын үй, шаруашылық жолаушылар көлігі және автомобиль жолдары бөлімінің теңгерімінде болғандықтан аталған кемшіліктерді тез арада тазартып қалыпқа келтіруі бойынша аталған бөлімге нақты тапсырмалар берілді.

Фото

Previous Next