Қоғамдық кеңестің отырысы өтті

22.08.2024 ж.

Бүгін Қосшы қаласы Қоғамдық кеңесінің отырысы өтті. Кеңес төрағасы С. Матайбаева ашқан жиын барысында қаладағы білім сапасы, жаңа оқу жылына дайындық барысы туралы мәселе, Қоғамдық тәртіпті сақтау, азаматтардың құқықтары мен бостандықтарын қамтамасыз ету туралы және т.б. мәселелер қаралды.

Білім саласы бойынша бөлім басшысы Қанат Ахметов баяндама жасап, қосшылық оқушылар үшін білім ордаларының алдағы оқу жылына дайындығы туралы хабардар етті. Қанат Есенбекұлының айтуынша Қосшыдағы 36 мектепке дейінгі, 7 орта білім беру және 6 қосымша білім беру ұйымдары жаңа маусымға дайын. Білім сапасының көрсеткіші (63,9%-ды құрайды, облыстық көрсеткіш 62,5%) жақсы.

Кеңес мүшелері мектептердің жай-күйі туралы сауалдарын қойып, оған бөлім басшысы жауап берді. Қойылған сұрақтардың қатарында Абай көшесіндегі құрылысы жүріп жатқан білім ордасының оқу жылына дайындығы, мектепке бала қабылдау, оларды тасымалдау мәселесі, қосымша білім беру ұйымдарының сапасы және т.б. мәселелер бар.

Одан кейін қалалық полиция бөлімінің басшысы Азамат Аушакимов Қосшыдағы құқық бұзушылық жағдай туралы хабарлай келе халық санының артуына байланысты салыстырмалы түрде бірқатар қылмыс түрлері бойынша жағымсыз статистикамен бөлісті.

Атап айтқанда, ауыр қылмыстар саны 54%-ға артқан, мас күйінде жасалған қылмыстар 77%-ға көбейсе бұрын қылмыс жасағандар тарапынан орын алған қылмыстар 90%-ға өскен. Оның ішінде өтелмеген соттылығы барлар тарапынан жасалған қылмыстар саны 2-ден 18-ге дейін артқан.

Отырыс барысында құқық бұзушылық туралы жиын қатысушылары тарапынан сауалдар қойылып, жауап берілді. Жиынның соңында Қоғамдық кеңестің хаттамалық шешімі қабылданды.

Фото

Previous Next