ЭКО-БАҚЫЛАУ ТАЛАС АУДАНЫНДА ЖАЛҒАСТЫ

Жамбыл облыстық Қоғамдық кеңесінің мониторингтік тобы “Таза Қазақстан” экологиялық акциясы аясында Жамбыл облысы бойынша эко-бақылау жоспарына сәйкес Талас ауданының тарихи-мәдени нысандарына, абаттандыру, суару жүйесі, экополигон, жер қойнауының қазбаларын пайдалану нысандарына эко-мониторинг жүргізді.

 Талас ауданының әкімі Нұрбол Жүнісбеков Қоғамдық кеңес мүшелерімен кездесіп, бағдарлама бойынша қарастырылатын мәселелердің аудан шеңберінде орындалу барысы туралы айтып өтті.

 Мониторингтік топ Талас аудандық Қоғамдық кеңесінің мүшелерімен бірлесе аудан әкімінің орынбасары Айтолқын Абдибекова, Қаратау қаласы әкімдігі, аудан әкімдігі бөлімдерінің қызметкерлерінің қатысуымен бірқатар нысандарға эко-мониторинг жүргізді.

 Батырлар аллеясы, саяси қуғын-сүргін құрбандарына арналған арнайы орындардың күнделікті тазалық жұмыстары, абаттандыру жұмыстары қажетті деңгейде жүргізілмеуі салдарынан күтімі төмен екендігі байқалады.

 Қаратау қаласында көпқабатты тұрғын үйлер аумағында балалар алаңшаларын демеушілер көмегімен орнату қолға алынып, 6 ойын алаңшаларын орнату жоспарланған.

 Эко-бақылау жүргізу апталығы аясында жер қойнауы қазбаларын пайдалану нысандарына мониторинг жүргізілді.

 Аудан әкімдігінің кәсіпкерлік, өнеркәсіп және туризм бөлімінің басшысы Ауданбек Тауасаровтың айтуынша, ауданда 13 жер қойнауын пайдаланушылар бар.

 Мониторинг жүргізілген Қаратау қаласынан 9 шақырым қашықтықта орналасқан “Жамбылнедр цемент зауыты” ЖШС қарасты Сүлеймен сай қойнауынан алынатын шикізат - әк тасы шығыс жақта 3 км қашықтықта орналасқан зауытқа жеткізіледі.

 Талас ауданы аумағында Амангелді газ-кен орны, Шолақтау фосфорит орны, 6 мрамор қойнауы, Алинекс бөлімшесі шикізаттарды пайдаланады.

 Эко-бақылау қорытындысы бойынша ҚК тарапынан ұсынымдар әзірленіп, тиісті мемлекеттік органдарға жолданатын болады.

Фото

Previous Next