Новости Казкенес
Новости KazKENESҰлытау облысының Қоғамдық Кеңесі- төраға Бауыржан Жаппасұлы Бегеновтың бастамасымен Қаражал қаласында отырыс өтті.
Ұлытау облысының Қоғамдық Кеңесі- төраға Бауыржан Жаппасұлы Бегеновтың бастамасымен Қаражал қаласында отырыс өтті. Жалпы бұл қалада 9000 жуық адам тұрады.
Қалалық әкімшілікте өткен жиынға ақсақалдар,қалалық қоғамдық Кеңес мүшелері, басқа да тұрғындар қатысты.
Қала басшысы Айқын Елеусізов- облыстық Қоғамдық Кеңестің алдында атқарылған жұмыстар жөнінде есеп берді.
Елеусізовтың ақпаратына сәйкес, ағымдағы жылдың 6 айында өңірдің кәсіпорындары 76,5 млрд тг немесе 2023 жылдың тиісті кезеңіне 9% өсіммен өнеркәсіп өнімін өндірді.
Ауыл шаруашылығының жалпы өнімінің көлемі бойынша 6,4% өсті.
Жеке түрғын үй құрылысы белсенді қарқынмен дамуда. Жалпы құрылыстардың көлемі 89,3% өсті. Қалалық бюджетке жеке табыс түсімдерінің көлемі 2,7 млрд теңгені құрады.
Мемлекет тарапынан жасалып жатқан қолдаулар арқасында кәсіпкерлік саласында жылдан жылға өсу динамикасы байқалады. Жолдарды күзгі - қысқы мезгілде күтіп ұстау үшін 90 млн тг бөлінді.
Ағымдағы жылда ұзындығы 1,8 шақырымға 100 жарықтандыру бағандары орнатылды.
Өз баяндамасында, Айқын Қылышұлы Жайрем кенті бойынша да ақпарат ұсынды.
Жиналған халық тарапынан қала басшысына бірнеше сауалдар қойылып, ұсыныстар айтылды. Мәселенің көбісі коммуналды сұрақтарға байланысты болды.
Қаражалдықтар облыстық Қоғамдық Кеңеске республикалық,облыстық бюджетке қарасты бірнеше нысандарда жөндеу жұмыстарын жүргізу керектігін, жергілікті арнайы білім ордасының жағдайын реттеуін, электр бағандарының тозығын атап өтіп,жалғыз басты қарттардың мәселелерін алға тартты, тағы басқа проблемаларды шешуге ықпалын тигізуді сұрады.
Өз кезегінде Бауыржан Жаппасұлы тиісті мекемелерге хат жолдайтынын жеткізді.
Кездесуге қатысқан қаражалдықтар өте белсенді екендерін көрсетіп, жанашырлық танытты. Қала әкімі барлық айтылған проблемаларды біліп,оның шешілу жолдарында жасалып жатқан жұмыстарға кеңінен тоқталды.
Қаражал қаласындағы жылжымалы отырыстан соң, Қоғамдық кеңес мүшелері көп балалы отбасыларға салынып жатқан үйлерді қарап шықты.