ҚОҒАМДЫҚ БАҚЫЛАУ ӨТКІЗІЛДІ

2024 жылғы 20 қыркүйек күні «Таза Қазақстан» жалпы ұлттық экологиялық акциясын қолдау мақсатында және «Қоғамдық бақылау туралы» ҚР Заңының аясында Мақтаарал аудандық Қоғамдық кеңесі ауданда орналасқан қатты тұрмыстық қалдықтарға арналған қоқыс полигондарына қоғамдық бақылау жүргізді.

Қоғамдық бақылауға қоғамдық кеңес мүшелері, Мақтаарал ауданының тұрғын үй-коммуналдық шаруашылық, жолаушылар көлігі және автомобиль жолдары бөлімінің сектор меңгерушісі Қанат Иманусенов, «ТАЗА БОЛАШАҚ» ЖШС-нің директоры Мамырхан Марат және «МЫРЗАКЕНТ-2020»  ЖШС-нің директоры Үсен Байжанов қатысты.

Мақтаарал ауданында қатты тұрмыстық қалдықтар тастайтын 2 (екі) арнайы қоқыс полигоны белгіленген, бірі Мақтарал ауылдық округі Өркениет (Ел қоныс) елді мекені аумағында орналасса, екіншісі Жаңажол ауылдық округіне қарасты Жеңіс елді мекенінің аумағында орналасқан.

Бірінші кезекте Мақтарал ауылдық округі Өркениет (Ел қоныс) елді мекені аумағында орналасқан қатты тұрмыстық қалдықтарға арналған қоқыс полигонына қоғамдық бақылау жүргізілді. Аталмыш қоқыс полигонның жер көлемі 11-гектарды құрайды. Қоқыс полигонының жұмысын жүргізу «ТАЗА БОЛАШАҚ» ЖШС-не берілген.

Аудан аумағындағы Атакент кенті, Мақтарал а/о, Жамбыл а/о, Бірлік а/о, А.Қалыбеков а/о және Достық ауылдық округтеріне қарасты 40 елді мекендерден бүгінгі таңда, жоғарыда аталған қоқыс полигонына қатты тұрмыстық қалдықтар мен қоқыстар тасымалданады. Полигонға ең жақын орналасқан елді мекен 1000 метрді құрайды.

Қоғамдық бақылау кезінде Мақтаарал аудандық Қоғамдық кеңесінің төрағасы М.Ердешов ең алдымен қоқыс полигонының санитариялық-эпидемиологиялық жағдайы, өрт қауіпсіздігі жағдайы және полигонның арнайы қоршауға алынуына назар аударды.

Қазіргі таңда «ТАЗА БОЛАШАҚ» ЖШС-сі тарапынан қоқыс полигоны заң талаптарына сәйкес ретке келтіріліп, арнайы техникалармен өңдеуге қажетті құралдармен (пресс автомат) жабдықталғанын және қоқыс полигоны заң талаптарына сай арнайы қоршауға алынғанын, сонымен қатар қоқыс полигонына қатты қалдықтарды тасымалдау жұмыстары тұрақты түрде жүргізіліп жатқанын айтып өтті «ТАЗА БОЛАШАҚ» ЖШС-нің директоры – Мамырхан Марат.

Екінші кезекте Жаңажол ауылдық округіне қарасты Жеңіс елді мекенінің аумағында орналасқан қатты тұрмыстық қалдықтарға арналған қоқыс полигонына қоғамдық бақылау жүргізілді. Аталған полигонның жер көлемі 15-гектарды құрайды. Қоқыс полигонының жұмысын жүргізу «МЫРЗАКЕНТ- 2020» ЖШС-не берілген.

Аудан аумағындағы Мырзакент кенті, Жаңажол а/о, Еңбекші а/о, Ииржар а/о және Нұрлыбаев ауылдық округтеріне қарасты 26 елді мекендерден бүгінгі таңда, жоғарыда аталған қоқыс полигонына қатты тұрмыстық қалдықтар мен қоқыстар тасымалданады. Полигонға ең жақын орналасқан елді мекен 1700 метрді құрайды.

Қоғамдық бақылау барысында Мақтаарал аудандық Қоғамдық кеңесінің төрағасы М.Ердешов қоқыс полигонына жұмылдырылған арнайы техникалар мен қатты қалдықтарды престеуге және сұрыптауға арналған құралдар мен жабдықтарға көңіл бөлді.

Өз кезегінде «МЫРЗАКЕНТ-2020» ЖШС-нің директоры – Үсен Байжанов, қоқыс полигоны арнайы тасымалдау техникаларымен қатты қалдықтарды престеуге және сұрыптауға арналған құралдармен (пресс автомат) жабдықталғанын, сонымен қатар қатты қалдықтар ең алдымен түрлері бойынша сұрыпталып жеке-жеке жинақталып өңдеу зауыттарына жолданып отыратынын атап өтті.

Қоғамдық бақылау кезінде, Қоғамдық кеңес мүшелері аудан аумағында белгіленген қоқыс полигондарын аралап шықты. Ауданымызда тұрғындар санының артуына байланысты, қатты тұрмыстық қалдықтар көлемі де артып келеді. Қалдықтар - қоршаған ортаны ластайтын көздердің бірі. Жер бетіндегі  зиянды заттардың жинақталған массасы топырақ жамылғысына, өсімдіктерге, жерүсті және жер асты суларына жағымсыз әсерін тигізеді. Осыған орай Қоғамдық кеңестің төрағасы М.Ердешов қоқыс алаңдарын белгіленген стандарттарға сәйкестендіру бойынша тиісті жұмыстарды жүргізуді ұсынды.

Аудан жұртшылығын алаңдататын негізгі мәселелердің бірі - қатты тұрмыстық қалдықтарды тасымалдау жұмысының мәселесі. Осы ретте Қоғамдық кеңестің төрағасы М.Ердешов қоқыс алаңына қоқыстарды тасымалдауға арналған техникалар мен қатты қалдықтарды престеуге және сұрыптауға арналған құралдар мен жабдықтар санын көбейтуді ұсынды.

Қоғамдық бақылауды қорытындылай келе Қоғамдық кеңестің төрағасы Махамбет Ошантайұлы алдағы уақытта да аудан аумағында орналасқан қоқыс полигондарының жұмысы үнемі кеңестің бақылауында болатынын атап өтті.

Сонымен қатар, бұл мәселені тиісті жергілікті атқарушы органдардың назарына жеткізетіндігін мәлімдеді - Махамбет Ошантайұлы.

Қоғамдық бақылау нәтижесінде ауданда орналасқан қатты тұрмыстық қалдықтарға арналған қоқыс полигондарының жұмыстарына талдау жүргізіліп, тиісті ұсыныстар берілді.

(с) Мақтаарал ауданының Қоғамдық кеңесі

Фото

Previous Next