Абай облысы Жарма ауданының Қоғамдық кеңес отырысы өтті

Қоғамдық Кеңес отырысы

2024 жылдың қыркүйек айының 20 күні сағат 15:00-де Жарма ауданы әкімдігі ғимаратының Кіші залында, Абай облысы Жарма ауданының Қоғамдық кеңесінің кезекті отырысы өтті.

Кеңес отырысында «Абай облысы Жарма ауданының жұмыспен қамту және әлеуметтік бағдарламалар бөлімі» мемлекеттік мекемесінің басшысы - Касенов Ринат Нұрахметовичтың «Жалғызбасты қарттар, әлеуметтік осал топтағы халықты әлеуметтік қолдау туралы» және Абай облысы Жарма ауданының Қорғаныс істер жөніндегі бөлімінің бастығы, подполковник – Саябаев Меирхат Муратказыевичтың – «Жарма ауданының азаматтарын әскери қызметке шақыруды ұйымдастыру және сол бағытта жасалып жатқан іс-шаралар туралы» баяндамасы тыңдалды.

Сонымен қатар, Кеңестің 2 тоқсан отырысында Кеңес мүшелерінің ұсынысы бойынша Жарма аудандық санитариялық-эпидемиологиялық бақылау басқармасына «Қалбатау ауылында орналасқан наубайханалар мен қоғамдық тамақтану, азық-түлік дүкендеріне қатысты үй-жайларды, ғимараттарды, құрылыстарды, объектілердің жабдықтарын күтіп-ұстауға және пайдалануға, өндіріс және тұтыну қалдықтарын жинауға, сақтауға және тасымалдауға қойылатын санитариялық-эпидемиологиялық талаптардың қолданыстағы заң талаптарының сәйкестігі туралы» туралы ақпараты сұралған. Сол бойынша Жарма аудандық санитариялық-эпидемиологиялық бақылау басқармасы басшысының міндетін атқарушы Анар Айтказиновна Мукашеваның ақпараты тыңдалды.

Күн тәртібіндегі сұрақтарды талқылау барысында Кеңес мүшелерімен көтерілген мәселелер жөнінде мекеме басшыларына тиісті ескерту мен ұсыныстар ұсынылды.

Фото

Previous Next