Новости Казкенес

Қоғамдық кеңес отырысы

Атырау облыстық қоғамдық кеңесінде.

Атырау облыстық қоғамдық кеңесі 2 қазан   күнгі отырысында жылдық жоспарға сай,  «Атырау облысы бойынша 2023-2024 жылдарға жылу беру маусымының қорытындылары, орын алған кемшіліктерді жою бағытында атқарылған жұмыстар және 2024-2025 жылғы жылу беру маусымына дайындық шаралары туралы» мәселе қарады. Кеңес отырысына  тиісті басқармалар, қала әкімдігі, Мемлекеттік қызмет істері агенттігінің Атырау облысы бойынша департаменті, Атомдық және энергетикалық қадағалау мен бақылау комитеті Атырау облысы бойынша департаменті, «Атырау Жылу Электр Орталығы», «КЕGOK» АҚ - ның Батыс жүйеаралық тораптары Атырау облысы филиалы, «Атырау Жылу Жүйелері» АҚ – ы, «Атырау облысы Су Арнасы» КМК – і, «Атырау Жарық» АҚ – ы, Бейнеселекторлық режимінде аудан әкімінің салаға жауапты орынбасарлары, Қоғамдық кеңестің төрағалары және БАҚ-ның өкілдері қатынасты.

Отырыста Қоғамдық кеңестің дамуына үлес қосқан бір топ азаматтар  «Қоғам жанашыры» медалімен марапатталды.    «Қоғам жанашыры»  медалі Қоғамдық кеңес мүшелерін қоғамдағы белсенді қызметі үшін марапаттау мақсатында    дайындалған болатын. Осы отырыста алғаш рет тапсырылды. Марапатталғандар қатарында Облыстық қоғамдық кеңестің алғашқы төрағасы Өтешов Мұрат Сақтайұлы, бірқатар қоғамдық кеңес мүшелері  бар. Сондай-ақ қоғамдық кеңестің белсенді мүшесі марқұм Өскенбаев Сәкен Бөлекбайұлының медалі - ұлы Өскенбаев Мұхамбетәлі Сәкенұлына табысталды.

«Атырау облысы бойынша 2023-2024 жылдарға жылу беру маусымының қорытындылары, орын алған кемшіліктерді жою бағытында атқарылған жұмыстар және 2024-2025 жылғы жылу беру маусымына дайындық шаралары туралы»  мәселе бойынша баяндаманы  Энергетика және тұрғын үй - коммуналдық шаруашылық басқармасының басшысының орынбасары Ж.Оспан  жасады.

Жоспарға сәйкес жылу беру маусымына 407 білім беру нысандары  толық (100%), 154 денсаулық сақтау нысандары толық(100%), 1794 көп қабатты тұрғын үйлердің 1741 үй (97%) дайындалуда.

Жылу беру маусымы дайындығына 7,0 млрд. теңге бөлініп, жұмыстар жүргізілуде.

Жоспарға сәйкес жөндеуден өткізілетін 27,5 шақырым жылу желілерінің, бүгінгі күнде оның 25,9 шақырымы (94%) жөндеудеден өткізілді.

Сонымен бірге,  6,4 шақырым су және кәріз желілері толықтай жөндеуден өткізілді.

«Атырау Жарық» АҚ-ы 742 шақырым электр желілеріне,   14 подстанса, 76 дана трансформаторлық подстанса, тарату стансасы, қосалқы трансформаторлық стансалар, жоғары вольттік 50 дана трансформаторды жөндеу жұмыстарын толық жүргізілген.

Отырыста қоғамдық кеңестің Инфрақұрылымды дамыту және коммуналдық мәселелер жөніндегі  комиссия төрайымы Б.Досмұхамбетова қосымша баяндама жасады.

Күн тәртібінде екінші мәселе болып, «Жергілікті атқарушы органдар бойынша құқығы қалпына келтірілген қызмет алушылар мен мемлекеттік қызмет көрсету сапасы туралы» Мемлекеттік қызмет істері агенттігінің Атырау облысы бойынша департаментінің басшысы Н.Еркебаев хабарлама жасады.

Отырыс қорытындысы бойынша  қарар қабылданып, орындалысы бақылауға қойылатын болады.

Фото