Азаматтарды қабылдау

Бүгін Қосшы қаласы Қоғамдық кеңесінің мүшесі Сәдібек Түгел қала әкімдігімен, мәслихат депутаттарымен бірлесе отырып азаматтарды жеке мәселелері бойынша қабылдау өткізді.

Қабылдауға келген азаматтар қаламыздағы тұрғын үй кезегі, электр энергиясы, жол құрылысы, көше шамдары, кәріз, жер телімі және т.б. мәселелер бойынша сауалдарын қойып, оған жауап берілді.

Әр азаматтың сұрақтары назарға алына отырып тиісті бөлім басшыларына тапсырмалар берілді. Қабылдауда айтылған түйткілдер өз шешімін тапқанша Кеңес өкілдерінің бақылауында болады.

*** Қоғамдық кеңес мүшелері әр апта сайын сәрсенбі күні қала әкімдігімен, мәслихат депутаттарымен бірлесе отырып сағат 9:00-12:00 дейін қала әкімдігінің ғимаратында қабылдаулар өткізіп тұрады.

Фото

Previous Next