Қосшы қаласы Қоғамдық кеңесінің отырысы өтті

15.10.2024 ж.

Қосшы қаласы Қоғамдық кеңесінің отырысы өтті. Кеңес төрағасы Матайбаева С.Ә. ашқан отырыстың күн тәртібіне сәйкес 2 мәселе қаралды.

Олар 2024-2026 жылдарға арналған қала бюджеті туралы шешімге өзгерістер енгізу және халықтың аз қамтылған топтарына әлеуметтік көмек көрсету мәселелері, өмірлік қиын жағдайдың туындауына байланысты отбасылардың мұқтаждығын анықтау, оларға берілетін көмектер туралы болды.

Бюджет мәселесі туралы қала әкімінің орынбасары Альмира Ибраева баяндама жасап, қаланың дамуы үшін қажеттіліктің артып келе жатқаны, бюджет шығыстарының ұлғаюы туралы мәлімет берді.

Сондай-ақ қаланың Жұмыспен қамту және әлеуметтік бағдарламалар бөлімінің басшысы Бақтыбай Шәди халықтың осал топтарына мемлекеттік бағдарламалар аясында бөлінетін әлеуметтік көмектер, мұхтаж жандарды әлеуметтік қамту, тұрмыстық зорлық-зомбылыққа ұшыраған жандарды қолдау және т.б. әлеуметтік көмектерге қатысты мәлімет ұсынып, баяндамашылар кеңес мүшелері тарапынан қойылған сауалдарға жауап берді.

Отырыстың соңында Сайра Әйтенқызы заңға сәйкес Қоғамдық кеңестің қызмет мерзімі аяқталғанын мәлімдеп, кеңес мүшелеріне белсенді жұмыс жасағаны үшін алғысын білдірді.

Фото

Previous Next