Новости Казкенес
Новости KazKENESҰлытау облысының Қоғамдық кеңесі 2024-2026 жылдарға арналған бюджетке өзгерістер енгізу бойынша отырыс өткізді.
Отырысты кеңес төрағасы Бауыржан Бегенов ашып жүргізді. Шақырылғандардың қатарында облыс әкімінің орынбасары Жәнібек Нөпіров,экономика басқармасының басшысы Нұрлан Абдукалимов пен бюджеттік бағдарламалар әкімшілері қатысты.
Облыстық бюджетті нақтылау Қазақстан Республикасының Бюджет кодексінің 108-бабына сәйкес облыстық бюджет бағдарламаларының әкімшілерінің бюджет өтінімдері негізінде жүргізіледі.
Бұл жоба бұрын бюджеттік бағдарламалар әкімшілерімен келісіліп, «Ашық НҚА» интернет-порталында қоғамдық талқылауға орналастырылған болатын. Экономика басшысының баяндамасына сүйенсек, бюджетті нақтылау барысында 60 980 мың теңгені бос қалдықтарға аудару, сондай-ақ 4 484 033 мың теңге мөлшерінде қысқартуға жататын қаражатты келесі шығыстарға қайта бөлу қарастырылған: 110 553 мың теңге – қоғамдық тәртіп (100 000 тг. – Ұлытау облысында жалға алынатын тұрғын үйдің шаршы метрі құнының 2797 тг-ден 3482 тг-ге дейін көтерілуіне байланысты полиция қызметкерлеріне тұрғын үй төлемдері үшін, 10 553 тг. – қызметтік автокөліктерге арналған дабыл және дауыс зорайтқыш құрылғыларды сатып алу үшін);
300 257 мың теңге – денсаулық сақтау (100 000 тг. – жеңілдікпен жол жүруге жеке тұлғаларға берілетін трансферттер, 56 000 тг. – Мәслихат шешімі бойынша дәрігерлерге 6,7,8 млн. тг. көтерме ақы (9 дәрігер), 200 000 тг. – «СК-Фармация» ЖШС-не берешекті ішінара өтеу үшін, 44 157 тг. – ангиограф орнату үшін кабинет дайындау жұмыстарын жүргізуге қосымша қажеттілік үшін).
572 000 мың теңге – қаржы (272 000 тг. – «ПТВС» АҚ алдындағы кредиторлық қарызды өтеуге арналған облыстық резервке, 300 000 тг. – Жоғарғы аудит палатасының ұсынысы бойынша ең төменгі көлемнен төмен жалпы сипаттағы трансферттерді қайтару. Қоғамдық кеңес мүшелері тарапынан біршама сұрақтар қойылып, олардың негізгі бөлігі инфляцияға, сыйақылар мен субсидияларға байланысты болды. Денсаулық және спорт саласына да қатысты мәселелер көтерілді. Спорт басқармасында қаражаттың дефициттігі байқалып, аталған басқармаға қосымша 10млн теңге бөлу туралы ұсыныс енгізіліп, бұл ұсыныс отырыста мақұлданды.