Новости Казкенес

Комиссия отырысы

Атырау облыстық қоғамдық кеңесінде

          Атырау облыстық қоғамдық кеңесінің төрағасы Мақсым Ізбасовтың қабылдауында  «Химик» бау-бақша қауымдастығының   өкілдері болды. Химик, Судоремонтник, Рыбник, Железнодорожник бау-бақша қауымдастығының  тұрғын үйлерін   жоғары вольтті электр желісіне қосу,  ішкі асфальт жолдарын жүргізу мәселелері көптен бері қозғалғанымен халықтың сұранысы қанағаттандырылмай отыр. Басты себеп- елді мекен атауы берілмегендіктен бюджет тарапынан қаржыландырылмайды.

Бау-бақша  қауымдастығы деп аталғанмен тұрғындардың 80 пайызы тұрақты өмір сүруде. Бұл жерде 2500 ға жуық тұрғын бар.

Қазақстан Республикасының Премьер-Министрі Смайыловтың 2023 жылғы 10 қазандағы №11-08/3901 тапсырмасы бойынша, жасақталған  Қазақстан Республикасында саяжай және бау-бақша шаруашылықтарын дамытудың 2024-2026 жылдарға арналған Жол картасында аталған учаскеде тұратын халықтың инфрақұрылымын жақсарту жөнінде айтылған.

Қабылдауға келген тұрғындар қоғамдық кеңестің  аталған мәселелерді шешуге ат салысуын сұрады.

Қоғамдық кеңес төрағасы аталған мәселелерді шешуге қатысты мемлекеттік орган өкілдерін шақырып, қабылдауға келушілермен кездестірді.

Энергетика, тұрғын үй және коммуналдық шаруашылық басқармасының басшысы А.Кенжебеков, Ауылшаруашылығы және жер қатынастары   басқармасының басшысының орынбасары Ә.Ермекқали, қала әкімінің орынбасары Т.Махуов, қалалық тұрғын үй-коммуналдық шаруашылық және тұрғын үй инспекциясы бөлімінің басшысы М.Зинуллин шағымданушылардың сұрақтарына жауап беріп, мәселе бойынша алдағы жоспарлармен бөлісті.

          Қоғамдық кеңес төрағасы мәселенің мән-жайын анықтап, үнемі бақылауда ұстайтындығын айтты.

         

Фото