Қоғамдық кеңес

Облыстық қоғамдық кеңес мүшелері жергілікті кәсіпкер И. Акдрашевтың NSS компаниясына тиесілі "Дәулет " өнеркәсіп аумағында болып, жұмыс барысымен танысты. Жергілікті халыққа азық-түлік өнімдерімен таныс өнеркәсіп орыны бұл күнде құлашын кең жаюда. Мұнда диірменнен тәулігіне 150 тонна бидай өңделіп, 15  тонна нан өнімдері, 20  тонна макарон өнімдері жасалуда. Атыраулықтарға сапасы және тиімді бағасымен жақсы таныс "Дәулет нан" сауда нүктелері еліміздің басқа қалаларынан да ашылып жатқандығы қуантады. Өнеркәсіп шығаратын бөтелкедегі ауыз суы халықтың сұранысына ие.  Сонымен бірге, тігін цехы арнайы киімдер дайындап, өңірдегі  ірі кәсіпорындардың сұранысын қанағаттандырып келеді. 2024 жылдың жаз айларынан бері дәретхана қағаздарын шығаруды іске қосқан. Халықтан 1 килосын 65 теңгеден макулатура қабылдайды. Бұл да қайта өңдеу бағытындағы құптарлық қадам. 7000 адамды жұмыспен қамтып отырған холдинг аумағын тағы да 20 гектарға ұлғайтуды көздеп отыр.  Қоғамдық кеңес мүшелері сұрақтарын қойып, кәсіпорынның алдағы жоспарлары туралы пікір алмасты.

Фото

Previous Next