Ауданда шағын және орта кәсіпкерлік саласы мен спорттық бағытта маңызды жетістіктерге жетілуде.

Аудандық Қоғамдық кеңестің төрағасы Абишев Е. төрағалығымен өткен кеңестің кезекті жоспарлы отырысында аудан өміріндегі негізгі салалар бойынша 2024 жылы атқарылған жұмыстар сараланып, талқыланды.

Аудандық кәсіпкерлік және ауыл шаруашылығы бөлімі басшысының кәсіпкерлік саласында 2024 жылы жүзеге асырылған жұмыстар жөнінде кеңінен баяндап, кеңес мүшелері тарапынан талқыланды. Жұмыстардың кейбірі толық орындалмағаны атап өтілді.

Сонымен қатар, ауыл шаруашылығы егістік жерлерін  ағын сумен қамтамасыз ету мәселесі бойынша «Келес ауданының су шаруашылығы» мекемесінің басшысының  есебі тыңдалды. Бұл салада орын алған олқылықтар мен кемшіліктер, атап айтқанда су ресурстарын тиімді пайдаланудағы қиындықтар және су құбырларының тозуы туралы айтылып, осы проблемаларды шешу мақсатында бірқатар жұмыстарды жандандыру үшін нақты ұсыныстар жасалды.

Аудан спортын дамыту жөнінде аудандық ішкі саясат, мәдениет, тілдерді дамыту және спорт бөлімі басшысының орынбасарының баяндамасы және Алпамыс батыр ауылдық округінің әкімінің есебі тыңдалды. Бұл салада жеткен жетістіктер мен атқарылған оңды жұмыстар атап өтілді.

 Мекеме басшыларының есебі жан-жақты қаралып, назарға алынсын деген ұсыныс білдірілді және ол толықтай назарға алынды.

Фото

Previous Next