Новости Казкенес

ҚОҒАМДЫҚ МОНИТОРИНГ: АКВАӨСІРУДІ ДАМЫТУ - МАҢЫЗДЫ МІНДЕТ

“Балық шаруашылығын дамыту мәселелері туралы” ҚР Үкіметінің Қаулысымен бекітілген “Балық шаруашылығын дамытудың 2021-2030 жылдарға арналған бағдарламасында” халықтың балық өнімдерімен қамтамасыз етілуін ұлғайту және балық өсіруді (акваөсіру) дамыту үшін жағдай жасау мақсатында нақты міндеттер белгіленген.

 Бағдарлама міндеттері  балық өсіру (акваөсіру) өнімі, қайта өңдеу көлемін өсіру, балық шаруашылығын мемлекеттік қолдауды қамтамасыз ету; саланы ғылыми және кадрлық қамтамасыз ету болып табылады.

 Аталған міндеттерді орындау мақсатында табиғи ресурстар және табиғат пайдалануды реттеу басқармасының нормативті-құқықтық актілер жобалары Қоғамдық кеңес отырыстарында талқыланып, кеңес мүшелері тарапынан мақұлданып келеді.

 2024 жылы өңірімізде асыл тұқымды балық өсіруді дамыту, акваөсіру өнімдерінің сапасын және өнімділігін арттыруды субсидиялау түріндегі мемлекеттік қолдау 189 млн.теңге көлемінде 22 шаруа қожалықтары, жеке кәсіпкерлер және жауапкершілігі шектеулі серіктестік өкілдеріне көрсетілген.

 20 ақпан күні кеңес мүшелері, сарапшылар, басқарма өкілдерінен құралған мониторингтік топ “ Алтын бұлақ” ШҚ, ЖК

“ Айжан”, ЖК “Янтарь” балық шаруашылықтарына қоғамдық мониторинг жүргізді.

 Аталған шаруашылықтарға 2024 жылы балық өсіру материалдарын алуға 22-28 млн. теңге көлемінде субсидия берілген.

 Кәсіпкерлердің айтуынша, тауарлық балық сапасы жақсарып, көлемі ұлғайып, балық өнімдеріне тұтынушылар тарапынан сұраныс артқан.

Шаруашылықта 10 адам жұмыспен қамтылғанымен, көршілес Өзбекстан мемлекетінен жұмысшы мамандарды арнайы шақыртуға мәжбүр. Себебі балық өсіру технологиясын өңірімізде меңгерген мамандар жоқтың қасы екендігін баса айтқан шаруашылық басшылары акваөсіруді қаржыландыру көлемін арттыру қажеттігі туралы мәселені ортаға салды.

 Мониторингтік топ мүшелері бағдарлама шеңберінде кәсіпкерлік қызмет мақсатында балықтардың өсімін жасанды молайту және өсіру бағытын дамытудың маңыздылығын атап өтіп, жеке кәсіпкерлердің сұрақтарын қарастыру жөнінде мәселелер тиісті органдарға жолданатынын жеткізді.

Фото