Новости Казкенес

ҚАЛАЛЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

📍2025 жылдың 27 мамыр күні қалалық Қоғамдық кеңесінің кезекті отырысы өтті.

Қалалық мәслихат төрағасы Ибадулла Құттықожаев кеңес мүшелеріне куәліктерін табыстап, алдағы жұмыстарына сәттілік тіледі, билік пен азаматтық қоғам арасындағы диалогты қамтамасыз етудегі Қоғамдық кеңес қызметінің маңыздылығына тоқталды.

📌Отырысқа кеңес мүшелерінен бөлек қала әкімінің орынбасары Омаров Бақытжан Бауыржанұлы, Қызылорда қаласы қорғаныс істері жөніндегі басқарма бастығының міндетін атқарушы Қоңырбаев Асхат Сұлтанбекұлы, қалалық экономика және қаржы бөлімінің басшысы Баймаханова Гүлнар Бұрханқызы, қалалық мәдениет және тілдерді дамыту бөлімінің басшысы Тажмаханов Жағыпар Айтбайұлы, жұмылдыру дайындығы және аумақтық қорғаныс бөлімінің басшысы Баймаханов Бердібек Жомартұлы және бұқаралық ақпарат құралдарының өкілдері қатысты.

📌Қоғамдық кеңестің бүгінгі отырысының қарауына алты мәселе ұсынылып қаралды:

1. Азаматтарды мерзімді әскери қызметке шақыруды ұйымдастыру және қамтамасыз ету жұмыстары туралы.

2. 2024 жылға арналған қалалық бюджеттің атқарылуы туралы есепті мақұлдау туралы.

3. «2025-2027 жылдарға арналған Қызылорда қаласының бюджетін бекіту туралы» Қызылорда қалалық мәслихатының 2024 жылғы 18 желтоқсандағы №223-32/1 шешіміне өзгерістер енгізу туралы.

4. Қызылорда қаласының кейбір құрамдас бөліктеріне атау беру және қайта атау туралы.

5. Қызылорда қалалық Қоғамдық кеңесінің ережесін бекіту туралы.

6. Қызылорда қалалық Қоғамдық кеңесінің 2025 жылға арналған жұмыс жоспарын бекіту туралы.

📍Аталған мәселелерге байланысты, қоғамдық кеңестің Әлеуметтік сала және қоғамдық қауіпсіздік мәселелері жөніндегі комиссияның төрағасы Мырзабеков Салкадиннің, Қызылорда қаласы қорғаныс істері жөніндегі басқарма бастығының міндетін атқарушы Қоңырбаев Асхат Сұлтанбекұлының хабарламасы тыңдалынды, қалалық экономика және қаржы бөлімінің басшысы Г.Баймаханова, қалалық мәдениет және тілдерді дамыту бөлімінің басшысы Ж.Тажмаханов хабарлама жасап, қоғамдық кеңес мүшелерінің сауалдарына жауап беріліп, кеңес мүшелері өз пікірлерін білдіріп, ұсыныстарын айтты.

✅Отырыста көтерілген ұсыныс-пікірлер, кеңестің хаттамасына енгізіліп, тиісті шешімдер қабылданатын болады.

🔰Жиынға кеңес төрағасы С.Дүйсенбаев төрағалық етті.

 

 

 

 

 

 

 

Фото