Қоғамдық кеңестің отырысы

Атырау облыстық қоғамдық кеңесінде.

Атырау облыстық қоғамдық кеңесі ағымдағы жылдың 29 мамыр күнгі отырысында жылдық жоспарға сай,  «2024 жылға арналған облыстық бюджеттің атқарылуы туралы» мәселе қарады. Күн тәртібіндегі мәселе бойынша баяндаманы Қаржы және экономика басқармасының басшысының орынбасары Ш.Елеусинова  жасады.

Қоғамдық кеңес мүшелері бюджеттің не себепті толық атқарылмағандығына байланысты сұрақтарын қойды. Жосықсыз мердігерлердің алған міндеттемелерін уақытылы орындалмауы, абаттандыруға байланысты кейінге шегерілген қаржы, үнемдеуге байланысты және т.б. себептері айтылды. Сондай-ақ отырысқа  бөлінген бюджет қаржысын уақтылы игермеген 14 басқарма басшысы шақырылып, түсініктемелерін берді. Бюджеттің сапалы, мерзімді жүзеге асуы бюджеттік бағдарлама әкімгерлерінің жеке жауапкершілігіне,  қаржылық және атқарушылық қызметінің деңгейіне байланысты. Себебі, мемлекет қаражаты халық игілігі үшін жұмсалуы тиіс. Атқырылмаған бюджет қаржысының артында халықтың әлеуметтік мәселелері жатыр. Қоғамдық кеңес мүшелері бөлінген бюджет қаржысын толық игермеген әкімгерлерге қандай шара алынғанын, және алдағы уақытта бақылауды күшейту туралы пікірлерін айтты.

Фото

Previous Next