Рәміздер күні!

Мемлекеттік рәміздер – елдігіміздің нышаны!

Бүгін, 4 маусым – Қазақстан Республикасының Мемлекеттік рәміздері күніне орай Жетісу облысында айрықша рухты, патриоттық шара өтті.

Облыс әкімі Бейбіт Өксікбайұлы Исабаевтың қатысуымен мемлекеттік Ту көтеру салтанаты ұйымдастырылып, көпшіліктің жүрегіне мақтаныш пен отансүйгіштік сезім ұялатты.

Артынша «Патриоттар шеруі» акциясы бастау алып, елдік пен бірліктің айқын көрінісіне айналды. Бұл шараға Жетісу облыстық қоғамдық кеңесінің мүшелері де белсене қатысты. Олар қоғамның дамуына бейжай қарамайтын азаматтар ретінде өздерінің азаматтық ұстанымын паш етті.

Мемлекеттік рәміздер – Ту, Елтаңба, Әнұран – әрбір қазақстандықтың жүрегіндегі ұлт рухын асқақтатады. Бұл күн – тек еске алу ғана емес, болашаққа серт десек артық емес!

Фото

Previous Next